बाँके मंसिर ११ गते ।
लैंङिक हिंसा विरुद्धको १६ दिने अभियानको बेला बाँकेमा सरकारी सवारी साधनको दुरुपयोग गरी महिलामाथि दुव्र्यहारको प्रयास भएको छ । बाँके प्रहरीको अनुसार मंगलबार राती लगभग ९:४५ बजे राँझा स्थित भे १ ब १६१९ नम्बरको सरकारी मोटरसाईकलमा सवार खर्पुनाथ-५ का दिपक शाही, लोकजंग भण्डारी र बिर्ख सुनारले महिला माथी दुब्र्यहारको प्रयास गरेका हुन ।
नेपालगञ्ज बजारमा रहेको पसल बन्द गरेर घर जाँदै गरेको अवस्थामा राँझामा रहेको पशुपति बोडिङ्ग स्कुल देखि एउटै मोटरसाईकलमा सवार रहेका तीन जनाले पछाउदै दुब्र्यहारको प्रयास भएको पीडितले बताइन् ।
मदिराको नशामा रहेका उनीहरुले प्रयोग गरेको सो मोटरसाईकल सडक विभागको रहेको र शाही सडक विभागका कर्मचारी हुन, भनेर प्रहरीले जनाएको छ । घटनको जानकारी पाउन बित्तिकै प्रहरीले तीनै जना दोषीलाई नियन्त्रणमा लिएर अनुसंन्धान सुरु गरेको जिल्ला प्रहरी कार्यालय बाँकेका सह–प्रवक्ता प्रहरी दिपक मल्लले जानकारी दिएका छन ।
Discussion about this post