बर्दिया मंसिर १७ गते ।
समृद्ध र समुन्नत समाज निमार्णका लागि बालबालिकाहरुको क्षमता बिकासमा जोड दिनु पर्ने एक कार्यक्रमको सहभागी सरोकारवालाहरुले जोड दिएका छन् । प्लान इन्टरनेशनल नेपाल फिल्ड अफिस नेपालगंजको सहयोगमा स्याक नेपालद्धारा ठाकुरबाबा नगरपालिका वडा नं ७ मा संचालित प्रत्याभुत संचार परियोजना अन्तर्गत प्रत्याभूत बालबालिकाहरुलाई चिठी लेखन तालिममा यस्तो कुरा बताएका हुन् । सो चिठी लेखनको उद्घाट्न गर्नु हुदै ठाकुरबाबा नगरपालिका वडा नं ५ का वडा अध्यक्ष गंगाराम जैसीले आजभोली स्नातक पढेका विद्यार्थीहरुले पनि राम्रो संग निवेदन लेख्न नसक्ने त्यस कारण ब्यवहारिक चिठी तालिम एकदमै महत्वपुर्ण रहेको बताए । उक्त कार्यक्रममा जम्मा ८७ जना प्रत्याभुत बालबालिकाको सक्रिय सहभागीता रहेको थियो ।
चिठी लेखन तालिमको मुख्य उद्देश्य चिठी किन लेखिन्छ ? चिठी तथा निवेदनहरुको महत्वका साथै प्रभावकारी चिठी कसरी लेख्ने तथा चिठी लेखन बिधि बारे जानकारी गराउने रहेको आयोजक संस्था स्याक नेपालका प्रत्याभूत संचार परियोजनाका सिनियर कार्यक्रम अधिकृत शेषकान्त शर्माले जानकारी दिए ।
प्रत्याभुत बालबालिकालाई सहयोगी दाताहरुले चिठी किन पठाउँछन् ? सहयोगि दाताहरुलाई चिठी किन लेख्नु दपर्छ ? भन्ने बिषय प्रष्ट पार्दै तालिमको सहजीकरण प्लान इन्टरनेशनल नेपाल फिल्ड अफिस नेपालगंजका स्पोन्सरसीप परियोजनाका परियोजना संयोजक स्नेहलता श्रेष्ठले गर्नुभएको थियो । सोही अवशरमा सहभागीहरुलाई स्वागत गर्दै बालबालिकाहरुलाई परम्परागत हानीकारक अभ्यासहरुवाट संरक्षण गर्नका लागी बालबालिकाको क्षमता बिकास गर्नुपर्ने स्याक नेपालका अध्यक्ष शिवलाल पाण्डे जानकारी दिनुभयो ।
Discussion about this post