सुर्खेत मंसिर १७ गते । कर्णाली प्रदेशका मुख्यमन्त्री महेन्द्रबहादुर शाहीका राजनीतिक सल्लाहकार भीमप्रकाश शर्मा आफैँले चलाएको कर्णाली प्रदेश ०२००१ झ ००१६ नम्बरको गाडीले भे ८ प २९४६ नम्बरको मोटरसाइललाई ठक्कर दिएर फरार भएका छन् ।
वीरेन्द्रनगरस्थित बुद्धपथ चौकमा राजनीतिक सल्लाहकार शर्माले विपरित दिशाबाट आएको उक्त मोटरसाइकललाई ठक्कर दिइ भागेका हुन् ।
गाडीको ठक्करबाट मोटरसाइकलमा सवार नेपाल पत्रकार महासंघ कर्णाली प्रदेशका सचिव पवित्र कुमार शाही र पत्रकार रमेश रावललाई सामान्य चोटपटक लागेको छ, भने मोटरसाइकलको इन्जिन बाहेक अन्य पार्टपूर्जा पूर्णरुपमा क्षती भएको प्रत्यक्षदर्शी लोकेन्द्र गिरीले बताए ।
र्दुघटना भएपछि घाइतेको अवस्थाबारे जानकारी नलिई फरार भएका सल्लाहकार शर्मासँग सवारी चालक अनुमति पत्र नभएको स्रोतले बताएको छ । ‘गत दशैंमा गाडी चलाउने तालिम लिनु भएको हो ।’ शर्माका गाडी चालकले भने –‘त्यति राम्रो कन्फिडेन्स हुनुभएको थिएन ।’
प्रदेश ट्राफिक प्रहरी कार्यालयका अनुसार जाहेरी नपरेका कारणले आफुहरुले कुनै कारवाही प्रक्रिया नबढाएको जनाएको छ ।
दुल्लु खबरबाट साभार
Discussion about this post