भिम पौडेल बाँके मंसिर १८ गते ।
दिगो बिकाशको लक्ष अपाङ्ग मैत्री भबिस्य भन्ने मुल नाराका साथ २८ औं अन्तर्राष्ट्रिय अपाङ्गता दिवसको अबसरमा अपाङ्गता र पहुँच युक्तता बिषयक अन्तर सम्वाद कार्यक्रम नेपालगञ्जमा सम्पन भएको छ । डेक नेपाल अपाङ्ग संघ र खगेन्द्र नवजीवन केन्द्र बाँके को आयोजना तथा गैरसरकारी संघ नेपाल बाँके को समुन्वय मा सम्पन कार्यक्रममा सहभागी हरुले अहिले राज्यले ऐन नियम र मापदण्ड बनाएर पनि कार्यान्वयनका लागी भने कन्जुस्याई गरिरहेको बताएका छन । नेपालगञ्ज उपमहानगरपालिकाले समेत अहिले बनाउन लागिएको शौचालय हरु समेत अपाङ्ग मैत्री नभएको भन्दै दुख व्यक्त गरेका छन् ।
अपाङ्ग मैत्री संरचनामा कुनै पनि निकायले ध्यान दिन नसकेको सहभागी हरुले बताएका छन । सहभागीहरु ले उपमहानगरपालिका ले अपाङ्गता मैत्री संरचनामा ध्यान नदिएको प्रश्नमा उपमहानगरपालिका नेपालगञ्ज कि उपमेयर उमा थापा मगर ले नगर अपाङ्ग मैत्री संरचना बनाउने कुरामा प्रतिबद्ध रहेको र कुनै कमिकमजोरी भए त्यो सच्याएर जाने बताईन ।
उनले नगरपालिका यसो गर्यो उसो गर्यो भनि रहँदा अपाङ्गता सम्बन्धी वकालत गर्ने संगसंस्था तथा अन्य सरकारी तथा गैरसरकारी निकायका भबन हरु तिर पनि ध्यान दिन पनि अनुरोध गरिन नगरपालिकालाई दिएको सुझाव लाई कार्यन्वयनमा ल्याउन आफु सधै तयार रहेको बताउदै २८ औं अन्तर्राष्ट्रिय अपाङ्गता दिवसको अबसरमा सबैलाई शुभकामना समेत व्यक्त गरिन । गैरसरकारी महासंघ नेपाल बाँकेका सल्लाहकार गोकर्ण आचार्य लाई समाज कल्याण परिषद् द्वारा अपाङ्गता क्षेत्रमा महत्वपूर्ण योगदान गरे वापत सम्मान गरिएको थियो ।
कार्यक्रममा प्रमुख अतिथि नेपालगञ्ज उपमहानगरपालिकाकी उपमेयर उमा थापा मगर, अथितीमा जिल्ला प्रहरी प्रबक्ता शिव बहादुर सिंह,नेपाल अपाङ्ग संघ तथा खगेन्द्र नवजीवन केन्द्र का उपाध्यक्ष चन्द्र तिमिल्सिना लगायतका अपाङ्ग संग सरोकार राख्ने सरोकारवाला हरुको उपस्थिति रहेको थियो । कार्यक्रम को अध्यक्षतामा गैरसरकारी महासंघ नेपाल बाँकेका अध्यक्ष नमस्कार शाहाको रहेको थियो ।
Discussion about this post