खड्क सुनार मुगु मंसिर २० गते ।
परम्परागत आरन व्यवसाय मुगुका दलित लुहारहरुको जिविकोपार्जनको लागि आयसा्रेत बनेको छ । रुपमा रहेको देशभर आरन पेशा लोभइरहेको बेला,मुगुमा भने गरीब दलीतको साहारा बनेको छ । आरन चलाएरै त्यहाँका आरन व्यावसायले जीविको पार्जन गरिरहेका छन् । तर आरन चलाउँदा बगेका पसिनाको मूल्य भने नपाएको उनीहरुको भनाइ छ ।
मुगुका गरीब, दुखी र फरक क्षमता भएका जनताको साहारा आरन पेशा बनेको छ । उमेरमा अरु काम गरेर घर चलाएका यहाँका दलीत स्थानीले बृद्ध अवस्थामा आरन चलाउने गरेका छन् ।अन्य काम गर्न नसकेपछि आरनको काम गरेर घरखर्च चलाउने गरेको उनीहरुको भनाइ छ । यस्तै सोरु गाउँपालिका वडा नम्बर ७ का नन्दलाल लावड फरक क्षमता (अपाङ्ग ) व्यक्ति हुन् । अपाङ्ग भएतापनि लावडले आरनबाटै चार जनाको परिवार धानेका छन् ।
आरनबाट हात हतियारदेखि कृषि औजारहरु बनाउने गरिन्छ । तर पछिल्लो समय सहरका रेडिमेन्ट औजारका कारण स्थानीय आरन व्यावसाय धरासय बन्दै आएको स्थानीयले बताएका छन् । भने अर्काे तिर काम अनुसारको ज्याला पाउन नसकेको पनि बताएका छन् ।
आरनबाट औजार बनाउन एक घण्टा लाग्ने गरेको,तर एक घण्टाको ज्याला १ माना चालम पाइने गरेको अर्खा आरन व्यवसायको भनाइ छ । आफुसँग राम्रो खेति योग्य जमिन नभएकोले यहि पेशाको भरमा जीविका चलाउनु परेको उनिहरु बताउछन् ।
यस्तै स्थानीय सरकार बनेपछि दुख हटला भन्ने आशा थियो । तर स्थानीय सरकारले यो पेशामा ध्यान नदिदा दुख लागेको उनीहरु बताउछन् । साथै बजारी करणको औजारले गर्दा पुख्यौली पेशा हराउँदै जाने होकि भन्ने उनीहरुले दुख पोखेका छन् ।
Discussion about this post