बर्दिया मंसिर २० गते
बालबालिकाको चौर्तफी विकासको लागि बालबालिकाहरुको अतिरिक्त कृयाकलापमा जोड दिनु पर्ने एक कार्यक्रमको सहभागीहरुले जोड दिएका छन् । प्लान इन्टरनेशनल नेपाल फिल्ड अफिस नेपालगंजको सहयोगमा स्याक नेपालद्धारा बारबर्दिया नगरपालिका वडा नं १ जमुनियामा संचालित प्रत्याभुत संचार परियोजना अन्तर्गत प्रत्याभूत बालबालिकाहरुलाई चिठी लेखन तालिममा यस्तो कुरा बताएका हुन् । सो चिठी लेखनको उद्घाट्न गर्नु हुदै सरस्वती माविका प्राधानाध्यापक ओमप्रसाद यादवले आजकलका बालिबालिकालाई चिठी लेखन तालिम दिनु पर्ने आवश्यक रहको बताउनुभयो ।
सो चिठी लेखन तालिम ९५ जना प्रत्याभूत बालबालिकाहरुको सहभागीता रहेको थियो ।
प्रत्याभुत बालबालिकालाई सहयोगी दाताहरुले चिठी किन पठाउँछन् ? सहयोगि दाताहरुलाई चिठी किन लेख्नु पर्छ ? भन्ने बिषय प्रष्ट पार्दै तालिमको सहजीकरण प्लान इन्टरनेशनल नेपालका पार्टनरशिप संयोजक जिवनाथ पराजुली र नन्दनी तामाङ्गले सहजीकरण गरेका थिए । उक्त तालिमको ब्यवस्थापन स्याक नेपालका फिल्ड सुपरभाईजरहरु सुमिता चौधरी र आशा भण्डारीले गर्नु भएको थियो । चिठी लेखन तालिमको मुख्य उद्देश्य चिठी किन लेखिन्छ ? चिठी तथा निवेदनहरुको महत्वका साथै प्रभावकारी चिठी कसरी लेख्ने तथा चिठी लेखन बिधि बारे जानकारी गराउने रहेको आयोजक संस्था स्याक नेपालका प्रत्याभूत संचार परियोजनाका सिनियर कार्यक्रम अधिकृत शेषकान्त शर्माले जानकारी दिए ।
Discussion about this post