अजय पाठक बाँके, पुस १४ गते ।
घर घरमा मानव अधिकार : शान्ति र बिकासको आधार भन्ने मुल नाराका साथ बाल अधिकार सम्बन्धि महासन्धि सञ्चार प्रक्रिया सम्बन्धी तेस्रो इच्छाघिन आलेख अनुमोदन अवश्यकता र औचित्यउपर अन्तरक्रिया कार्यक्रम सोमबार नेपालगंजमा सम्पन्न भएको छ ।
राष्ट्रिय मानवअधिकार आयोगप्रदेश नम्बर ५ शाखा कार्यालय नेपालगन्जका मानव अधिकार अधिकृत तथा सूचना अधिकारी द्वारिका कुमारी अधिकारीले बाल अधिकारको बिषय बस्तु, बाल अधिकारको सिद्धान्त, बाल अधिकार सम्बन्धि कानुनहरु, यसका महासन्धीहरु, महासन्धिमा संरक्षित अधिकार, बालबालिकाको प्रयोग, बालअधिकार भित्र रहेको सन्धी , बाल बालिकाको संविधान, कानुनी सजाय र समस्या तथा चुनौतीहरुको बिषयमा कार्यक्रममा जानकारी दिनुभएको थियो ।
अन्तर्राष्ट्रिय सन्धि अनुगमन महाशाखा राष्ट्रिय मानव अधिकार आयोगका उप- निर्देशक बुद्धिनारायण साहनीले बालअधिकार बारे परिचय, अन्तर्राष्ट्रिय तहमा उजुरी गर्ने प्रक्रिया, व्यक्तिगत उजुरी दिन सकिने आधार, उजुरी अग्रसरताको आधारहरु, उजुरी परिसके पछी यसका कारवाही प्रक्रिया, र उजुरीको प्रगतिको बारेमा सहभागी लाइ जानकारी दिनु भयको थियो ।
कार्यक्रममा प्रमुख अतिथी मोहना अन्सारी, विशिष्टमा उपमहानगरपालिकाको उपमेयर उमा थापा मगर, जिल्ला प्रहरी कार्यालयका प्रहरी उपरीक्षक वीर बहादुर ओलि,र अतिथीमा प्रदेश ५ शाखा कार्यलय,नेपालगन्जका मानव अधिकार अधिकृत/सूचना अधिकारी द्वारिका कुमारी अधिकारी, अन्तर्राष्ट्रिय सन्धि अनुगमन महाशाखा राष्ट्रिय मानव अधिकार आयोगका उप- निर्देशक बुद्धिनारायण साहनी, नेपालगन्ज उपमहानगरपालिका नगर किशोरी संजाल अध्यक्ष पुजा वर्मा, संचारकर्मी लगायतको उपस्तिथि रहेको थियो ।
Discussion about this post