अजय पाठक
बाँके पुस २१ गते ।
मारवाडी युवा मंचले बढदो जाडोलाई मध्यनजर गर्दै बच्चाहरुलाई न्यानो कपडा वितरण र नि:शुल्क दन्त परीक्षण शिविरको आयोजना गरेको छ ।
मारवाडी युवा मंचले नेपाल राष्ट्रिय प्राथमिक बिद्यालय, रानीतलाउ स्थित नेपालगन्जका ७० जना विद्यार्थीलाई कपडा र नि:शुल्क दन्त परीक्षणको आयोजना गरेको हो ।
विद्यार्थीहरुको अवस्था र मौसममा परिवर्तनलाई मध्य नजर गर्दै कार्यक्रमको आयोजना गरिएको मारवाडी युवा मंच बाँकेका अध्यक्ष राजिब तलङाले बताएका छन ।
तलङाले विद्यार्थीको लागि कार्यक्रमको आयोजना गर्न पाएकोमा आफू र संस्था परिवार समेत हर्षित भएको र अगामी दिनहरुमा पनि यस्तो कार्यक्रमहरु गरिरहने पनि बताए। उनले यहि बिद्यालयमा पढेर आज धेरै जना डाक्टर, प्रोफेसर, र अन्य स्थानमा पुगन सफल भएको समेत बताए ।
मारवाडी संघ बाँकेका सम्पूर्ण प्रतिनिधीहरुको उपस्तिथिमा केन्द्रिय उपाध्याक्ष महेश अग्रवालले बिना कुनै संघ संगठनको सहयोग बिनाको एकलौटीरुपमा कार्यक्रमको आयोजना गरिएको जानकारी दिए ।
सो कार्यक्रममा मारवाडी संघको सम्पुर्ण परिवार, विभिन्न बिभागका प्रतिनिधी, बिद्यार्थी लगायतको उपस्थिति रहेको थियो ।
Discussion about this post