सुर्खेत पुस २४ गते । सुर्खेतको छिन्चु – जाजरकोट सडक खण्डमा यात्रुबाहक बस दुर्घटना हुँदा १७ जना यात्रु घाइते भएका छन् भने चालकको उपचारको क्रममा मृतु भयको छ । सुर्खेतबाट जाजरकोटको लागि छुटेको भे१ख २५७३ नम्बरको काक्रेबिहार यातायात प्रालिको फोर्स गाडी छिन्चु जाजरकोट सडक खण्डको सल्यानको बनगाड कुपिण्डे नगरपालिका- ११ को बालुवा संग्रही नजिक सडकभन्दा १ सय ५० मिटर तल चिप्लेको हो। दुर्घटनामा १७ जना घाइते भएका छन्, जसमध्ये ४ जनाको अवस्था गम्भीर छ। गम्भीर घाइते मध्ये सुर्खेत भेरगंगा नगरपालिका छिन्चुका वर्ष ३५ का चालक प्रकाश शर्माको उपचारको क्रममा मृत्यु भयको छ ।
घाईतेमा सोही नगरपालिका ९ जहरेका ४९ वर्षीय शान्त कुमार तिरुवा, सशस्त्र प्रहरी बल सल्यानमा कार्यरत सुर्खेत वीरेन्द्रनगर नगरपालिका १२ का ३० वर्षीय होम पङ्गाली, सल्यान बनगाड कुपिण्डे नगरपालिका १ का १३ वर्षीय अनिश विश्वकर्मा, छेडागाड नगरपालिका ९ जाजरकोटका २१ वर्षीय भगवती उपाध्यक्ष गम्भीर घाइते भएका छन्। घाइतेलाई उपचारका लागि नेपालगन्ज लिइएको इलाका प्रहरी कार्यालय सल्लीबजारले जानकारी दिएको छ। घाइते हुनेमा ६ महिला २ बच्चा १० जना पुरुष रहेका छन्। गाडीको स्पिड बढी भएको कारण ओरालोमा दुर्घटना भएको अनुमान गरिएको छ।
Discussion about this post