खोजखबर संवाददाता
बाँके असार २६ गते । बाँकेको डुडुवा गाउँपालिका अन्र्तगत रहेका सामुदायिक वन उपभोक्ता समुहका पदाधिकारीहरुलाई सुशासन र लेखा व्यवस्थापनका बारेमा अनुशिक्षण दिइएको छ ।
गाउँपालिकाको सहयोगमा अवधी पत्रकार संघ नेपालले आयोजना गरेको अनुशिक्षणमा १० वटा सामुदायिक बनका करिब ४० जनाको सहभागिता रहेको थियो । २ दिने अनुशिक्षणमा फेकोफनका डिल्ली रावत, महेन्द्र शाही, सूचना अभियन्ता विश्वजित तिवारीले सामुदायिक बनमा सुशसान तथा आर्थिक लेखा व्यवस्थापन लगायतका विषयमा सहजीकरण गर्नुभएको थियो ।
अनुशिक्षणको आज समापन गर्दै गाउँपालिका अध्यक्ष नरेन्द्र कुमार चौधरीले गाउँपालिका अन्र्तगत रहेका सामुदायिक बनहरुलाई व्यवस्थित गर्न गाउँपालिकाले विशेष कार्यक्रम ल्याउने भन्दै बनका पदाधिकारीहरुसंग परामर्श लिई बन उपभोक्त हितका कार्यक्रम ल्याइने बताउनुभयो । अध्यक्ष चौधरीले सामुदायिक वन समुहलाई पर्यटन क्षेत्रसंग जोडेर उपभोक्ता आयआर्जनका कार्यक्रमलाई विशेष प्राथमिकता दिने बताउनुभयो ।
संघका अध्यक्ष राकेशकुमार मिश्रको अध्यक्षतामा सम्पन्न अनुशिक्षण समापन कार्यक्रममा फेकोफन गाउँपालिकास्तरिय संजालका अध्यक्ष बेलबहादुर बोहरा, जिल्ला सदस्य डिल्ली रावत, फेकोफन प्रदेश नं. ५ का सदस्य महेन्द्र शाही लगायतले बोल्नुभएको थियो । पछिल्लो समयमा सामुदायिक बन समुहमा आर्थिक अनियमितता लेखा व्यवस्थापनमा समस्या भएपछि यस्तो कार्यक्रमको आयोजना गरिएको हो ।
Discussion about this post