खोजखबर संवाददाता
बाँके असार २६ गते । नेपाल एयरलायन्सको कार्गो उडानमा क्षमता भन्दा बढि सामान पठाउने गरेको पाइएको छ । विमान चालकले शंका लागेर पुन तौल गरेपछि विमानमा क्षमता भन्दा बढि सामान भएको पुष्टि भएको हो । बैशाख ७ गते नेपालगञ्जबाट हुम्लाको सिमकोट विमानस्थलमा नेपाल एयरलायन्सको ट्विनएटर विमानले कार्गो उडान गरेको थियो ।
विमान उडाउनेक्रममा चालक मनिष विष्टले बढि सामान भएको शंका लागेपछि सिमकोटमा पुनः तौल गराएपछि १३० किलो सामान क्षमता भन्दा बढि भेटिएको नेपाल एयरलायन्सका एकजना कर्मचारीले जानकारी दिनुभयो । नेपाल एयरलायन्सको सिमकोट विमानस्थल टावरका प्रमुख गौरी शंकर शाहले सिमकोटमा विमानमा बढि सामान भएको आशंकामा पुनः तौल भएको जानकारी पाएको बताए । उहाँले क्षमता भन्दा बढि सामान पाइएको भन्दै हुम्लामा यो पहिलो घटना भएको बताए । हुम्ला नेपालकै सबैभन्दा बढि उच्च अल्टिच्यूट भएको जिल्ला हो । विमानमा क्षमता भन्दा बढि भार अति जोखिमपूर्ण हुने कर्मचारीहरुले बताएका छन् ।
Discussion about this post