अजय पाठक बाँके, पुस २९ गते ।
बहुउद्देश्यीय जिल्ला सहकारी संघ लि. नेपालगन्ज-२ बाँकेको पाँचौ वार्षिक साधारण सभा सम्पन्न भएको छ ।
कार्यक्रमको प्रमुख अतिथी जिल्ला सहकारी संघ एवम् प्रदेश न. ५ जिल्ला सहकारी संघका अध्यक्ष प्रेम सुवेदीले उद्घाटन गर्दै उनले सहकारीलाई आन्तरिक रुपमा धेरै भन्दा धेरै पूंजीगत वृद्धि गर्ने र आउने नयाँ नेतृत्वको बिकास हुने कुरामा जोडिदिएका छन। उनले सहकारीहरुमा केही काममा समिती सदस्यहरु लापरबाहीको कारण पनि सहकारीहरुमा भित्री समस्या उत्पन्न भएको बताए र संघको कार्यसमितिमा आउने नयाँ नेतृत्वमा चयन हुन् सदस्यलाई बधाई दिएका छन । सो कार्यक्रममा संघको नयाँ नेतृत्वको कार्यसमितिमा अध्यक्ष : बल बहादुर खडका ,उपाध्यक्ष : नारायणी घिमिरे, सचीव : हरि प्रसाद चालिसे ,कोषाध्यक्ष : तुलसा ज्ञवाली ,सदस्य: कमला कान्ति पौडेल, जित बहादुर खत्री, राजु अर्याल ठकुरि, कल्पन थापा क्षेत्रि, प्रेमबहादुर बुढा रहेका छन ।
हाल नेपालमा ३४७३७ प्रारम्भिक सहकारी संस्था रहेका छन र जिल्ला स्तरीय संघहरु ३२५ , विषय गत केन्द्रिय संघहरु २० वटा, राष्ट्रिय सहकारी बैंक एउटा र राष्ट्रिय सहकारी महा मसंघ एउटा रहेको कार्यक्रमका सभा अध्यक्ष भुपेन्द्र अधिकारीले जानकारी दिएका छन । देशभर ६५ लाख मानिसहरु सहकारीमा आबद्ध रहेका छन भने ६४ हजारको हाराहारीमा मानिसहरु रोजगारी पाएका छन तेसै गरी २ लाख ५० हजार मानिसहरु सहकारीको नेतृत्वको भुमिकामा रहेको बताए । साथै संस्थाले गरेको तालिमको विवरण पनि पेश गरिएको थियो ।
कार्यक्रमका प्रमुख अतिथी जिल्ला सहकारी संघ एवम् प्रदेश न. ५ जिल्ला सहकारी संघका अध्यक्ष प्रेम सुवेदी, अतिथीमा बचत तथा ऋण जिल्ला सहकारी संघ लि.का अध्यक्ष प्रकाश ज्ञवाली, राष्ट्रिय सहकारी बैंकका संचालक बिजया धिताल,चम्किलो तारा सहकारीको सचीव प्रेम बहादुर शाह, सहकारी सदस्य, पत्रकार लगायतको ५० जनाको उपस्थिती रहेको थियो ।
Discussion about this post