जनकपुरधाम माघ ४ गते । जनकपुरमा ठक्कर दिएको कार चेकजाँच गर्दा पेस्तोल र गोली फेला परेको छ ।पेस्तोलसँगै ६ राउण्ड गोलीसमेत बरामद भएपछि कारमा सवार दुईजनालाई प्रहरीले पक्राउ गरेको हो ।
चाईनिज पेस्तोल र त्यसमा प्रयोग हुने ६ राउन्ड गोली सहित प्रहरीले २ जनालाई पक्राउ गरेको छ । पक्राउ पर्नेमा धनुषाको क्षिरेश्वरनाथ नगरपालिका १ रमदैया बस्ने वर्ष ४० का जितेन्द्र यादव र सोही नगरपालिका ५ महेन्द्रनगरका कुमोदनारायण झा रहेको धनुषाका प्रहरी नायव उपरीक्षक रामेश्वर कार्कीले जानकारी दिए ।
जनकपुरधाम उपमहानगरपालिका १ भानु चोकमा शनिबार दुर्घटनामा परेको कारलाई चेकजाँच गर्दा पेस्तोल बरामद भएपछि दुवैजनालाई प्रहरीले पक्राउ गरेको हो । बा. १४ च. ७४५९ नम्बरको उनीहरु चढ्ने कारले ज. ९ प. ४८०६ नम्बरको मोटरसाइकलमा ठक्कर दिएपछि प्रहरीले कारलाई चेकजाँच गर्दा चाईनिज पेस्तोल र ६ राउण्ड गोली बरामद भएको जनाएको छ ।
दुवैजनामाथि थप अनुसन्धान भइरहेको जिल्ला प्रहरी कार्यालय धनुषाले जनाएको छ ।
Discussion about this post