रजनी योगी
बाँके असार २७, गते । नेपालगन्ज उपमहानगरपालिकाले आज उपमहानगरपालिकाले प्रदान गर्ने सेवा सुविधा विषयक सार्वजनिक सुनुवाई कार्यक्रमको आयोजना गरेको छ ।
बास नेपालगन्जको सहजीकरणमा आयोजित कार्यक्रममा नेपालगन्ज उपमहानगरपालिकाका मेयर डा. धवल शम्शेर राणा, प्रमुख प्रशासकिय अधिकृत हरि प्याकुरेल र १ देखि २३ वडाका वडाध्यक्षहरु, कार्यपालिका पदाधीकारीहरु लगायत विभिन्न सरोकारवाला र नागरिकहरु बिच अन्तरक्रिया गरिएको थियो । कार्यक्रममा बासका कार्यकारी निर्देशक नमस्कार शाहले कार्यक्रमको विषयवस्तुको जानकारी दिनुभएको थियो । कार्यक्रममा नागरिकहरुले आ-आफ्नो वडाको समस्या र गुनासाहरु सरोकारवाला समक्ष राखेका थिए ।
अन्तरक्रियामा सबै भन्दा धेरै सडकको समस्या स्थानीयले राखेका थिए । प्रत्येक वडाबासीको गुनासो वडाका वडाध्यक्ष, नगर प्रमुख, प्रमुखप्रशासकिय अधिकृतले सम्बोधन गरेका थिए । सार्वजनिक सुनुवाई भन्दा अगाडी नेपालगन्ज उपमहानगरपालिकाले दिने सेवा सुविधाप्रति नागरिकहरुको प्रतिक्रियाका अनुसार सबैभन्दा धेरै सेवा सुविधाप्रति असन्तुष्टि भएको पाईयो ।
तीनै नागरिक प्रतिक्रियालाई सम्बोधन गर्दै नगरप्रमुख धवल शम्शेर राणाले जती राम्रो भएपनि एकदमै राम्रो त नपालीले भन्दै नभन्ने बताउनुभयो । स्थानीय तहको तीनवर्षे कार्यकाल सकिएको छ, अझैं तीन वर्ष बाँकी छ । द्वन्द्वकालमा अस्तव्यस्त र धोस्त पारिएको नेपालगन्ज नगर तीन वर्षको अवधीमा धेरै पुनिर्माण गर्नुथियो गरियो । अबको तीन वर्ष नेपालगन्जलाई सुन्दर नगरी बनाउनेतीर लाग्ने नगर प्रमुख राणाले बताउनुभयो । अहिले सम्म सबैको साथ र सहयोगले काम गर्न सजिलो भएको छ र अबको दिनमा पनि हामी सबै मिलेर अगाडी बढ्नुपर्ने डा. राणाको भनाई छ ।
Discussion about this post