नेपालगञ्ज- विराज भट्टद्वारा अभिनित बिराज भट्ट को चलचित्र “साङ्लो”को दोस्रो गीत युटुबमा सार्वजनिक भएको छ।
नेपाल आइडलका निशान भट्टराई र अन्जु पन्तको आवाज रहेको “झ्याम्मै आँखा झ्याम्मै” बोलको गीतमा शब्द निशानकै रहेको छ भने संगीत सुरेश अधिकारीको रहेको छ।
गीतको भिडियोमा नायक विराज भट्ट र निकिता चाण्डकको धमाकेदार डान्स देख्न सकिन्छ। भिडियोलाई रामजी लामिछानेले कोरियोग्राफी गरेका हुन। उक्त गितमा बिराज र निकिता को डान्स देख्न सकिन्छ ।
यस भन्दा अगाडि साङ्लोको पहिलो गीत र ट्रेलर सार्वजनिक भइसकेको छ। जुनलाई दर्शकले अत्याधिक रुचाएका छन। “चरिले काफल” बोलको पहिलो गीत यतिबेला चारैतिर हिट छ।
विराज भट्ट फिल्मसको ब्यानरमा निर्मित चलचित्र आगामी माघ २४ गतेबाट देशभर प्रदर्शन हुँदैछ। बिराजकै निर्माण, निर्देशनमा बनेको चलचित्रमा बिराज र पुर्व मिस नेपाल समेत रहेको निकिता प्रमुख भुमिकामा रहेका छन।
किड्नी तस्करीको कथालाई चलचित्रमा उठान गरिएको छ। चलचित्रको कथा शिवम अधिकारीले लेखेका हुन।चलचित्रमा विराज र निकिताका अलवा जयनन्द लामा, प्रकाश शाह, कामेश्वर चौरासिया, शिशिर भण्डारी, आर.पि. पन्त, अमीत गिरी, लय संग्रौला, भिष्म जोशी लगायतका कलाकारहरुको पनि अभिनय रहेको छ।
मानकृष्ण महर्जनले खिचेको चलचित्र काठमाडौं र सुदुरपश्चिमको डोटिमा छायांकन गरिएको हो। चलचित्रमा अष्ट महर्जनको द्वन्द निर्देशन छ। रामजी लामिछाने र कविराज गहतराजको कोरियोग्राफी रहेको चलचित्रलाई अर्जुन जिसीले सम्पादन गरेका हुन।
लामो समयपछि नेपाली चलचित्र क्षेत्रमा कमब्याक भएका विराजको साङ्लोलाई लिएर दर्शकहरु यतिबेला उत्साहित छन। साङ्लोमा विराज र निकिताको अभिनय कस्तो होला भनेर थाहा पाउन त प्रदर्शन मिति कुर्नुपर्ने नै हुन्छ।
Discussion about this post