बाँके माघ १८ गते । बाँकेको कोहलपुरमा रहेको गोरखा युनाईटेड पब्लिक स्कुलले सप्ताहब्यापी कार्यक्रम गरी खेलकुद तथा अभिभावक दिवस मनाएको छ ।
सप्ताहब्यापी कार्यक्रमको अन्तिम दिन शनिबार विद्यालयमा विशेष कार्यक्रम आयोजना गरीएको थियो । विद्यालयमा अध्ययनरत वालवालिका तथा अभिभावकहरुको उपस्थितीका बिच विद्यालयले विशेष कार्यक्रम सम्पन्न गरेको हो ।
कार्यक्रममा चालु शैक्षिक शत्रभरी विभिन्न गतिविधिमा उत्कृष्ट हुने विद्यार्थीहरुलाई पुरस्कृत गरीएको थियो । कार्यक्रममा युकेजीमा अध्ययनरत वालवालिकाहरुका हजुरबुवा तथा हजुरआमालाई समेत विशेष सम्मान गरीएको विद्यालयका संस्थापक संचालक केशर आलेले जानकारी दिए ।
कार्यक्रममा विद्यार्थीहरुले साँस्कृतीक प्रस्तुतीका साथै मार्चपास, नाटक तथा विभिन्न कलाकौशल समेत प्रदर्शन गरेका थिए ।
पृथक शैलीमा आयोजना गरीएको उक्त कार्यक्रममा अभिभावकहरुकालागि प्रतियोगितात्मक गतिविधिहरु समेत संचालन गरीएको थियो । कोहलपुर नगरपालिकाकी उपप्रमुख सञ्जु चौधरीको प्रमुख उपस्थितीमा संचालन गरीएको उक्त कार्यक्रममा विद्यालयमा अध्ययनरत छात्र(छात्रा, शिक्षक(शिक्षिका, अभिभावक, बुद्धिजिविका साथै संचारकर्मीहरुको समेत उल्लेख्य सहभागीता रहेको थियो ।
बाँकेकै पुरानो तथा उत्कृष्ट विद्यालयका रुपमा गोरखा स्कुलले आफ्नो पहिचान स्थापित गर्न सफल रहँदै आएको छ ।
Discussion about this post