बाँके माघ २९ गते । नेपालगञ्जस्थित दारुल उलुम गुल्शने मदिना मदरसाले नयाँ नेतृत्व पाएको छ । वडा नम्बर ४ स्थित गुल्शने मदिना मदरसामा मोहम्मद शफिक बेहनाको अध्यक्षतामा नयाँ नेतृत्व चयन भएको छ । वडा नम्बर ४ का अध्यक्षसमेत रहेका बेहनाले वडामा गरेको उत्कृष्ट कार्यको उच्च मुल्यांकन गर्दै कमिटिले उनलाई गुल्शने मदिना मदरसाको अध्यक्षता गर्न जिम्मेवारी दिएको हो । सदस्यमा नुरुद्दिन अन्सारी (बाबु) र साकिर खान निर्विरोध चयन भएका छन । पदभार ग्रहण गर्दै अध्यक्ष बेहनाले आफु बिद्यालय र समुदायको बिकासका लागि सबैसंग हातेमालो गर्दै अहोरात्र खट्ने र बिद्यालयलाई जिल्लाकै नमुना बनाउन उदाहरणीय काम गर्ने लक्ष्य रहेको बताए । उनले मुस्लिम समुदाय शिक्षामा पछाडि परिरहेको अबस्थालाई ध्यान दिदै प्रभावकारी शिक्षामा जोड दिने बताए । सामुदायीक विद्यालयको स्तर खस्कदै जानु र बिद्यार्थी अनियमितता समेत बढ्दै जानुमा शिक्षक, अभिभावक र सरकारी निकाय सबै समान रुपमा जिम्मेवार रहेकोले सबैले आ–आफ्नो दायीत्व पुरा गर्नुपर्ने बताउँँदै आफू सदैब बिद्यालय सुधारमा कटिबद्ध भएर लाग्ने प्रतिबद्धता जनाए । अध्यक्ष बेहनाले जनताले निर्वा्चित गरेर वडाध्यक्ष बनाएको केहि बर्षमा नै फेरि धार्मिक संस्थाको जिम्मेवारी दिएर थप जिम्मेवार बनाएको बताए । मदरसा सगै मस्जिद को संरचनामा समेत सुधार र सबै को साझा बनाउने तर्फ अग्रसर हुने ठोकुवा गरे ।
Discussion about this post