सरला सुवेदी कोहलपुर फागुन ५ गते । बाँकेको कोहलपुरमा जारी तेस्रो अन्तर मावि मेयर कप रनिङ्ग शिल्ड खेलकुद प्रतियोगिता समापन मंगलबार हुने भएको छ । ‘राष्ट्रका लागि खेलकुद स्वास्थ्यका लागि खेलकुद’ भन्ने मुल नाराका साथ शुक्रबार देखि कोहलपुर नगरपालिकाको आयोजना तथा कृष्ण माध्यामिक विद्यालयको व्यवस्थापनमा सुरु भएको तेस्रो मेयर कप रनिङ्ग शिल्ड खेलकुद प्रतियोगिताको फागुन ६ गते मंगलबार १० बजे भव्य रुपमा समापान हुने भएको छ। प्रतियोगिता प्रतियोगिताको सोमबार सम्पन्न भएको चार ईन्टु चार सय रिले दौडको छात्र तर्फ गोरखा यूनाईटेड पब्लिक स्कुल प्रथम, त्रिभवन मावि द्वितीय र जनज्योति पब्लिक मावि तृतीय भएका छन भने छात्रा तर्फ गोरखा यूनाईटेड पब्लिक स्कुल प्रथम, जनज्योति पब्लिक मावि द्वितीय र कृष्ण मावि तृतीय भएका छन ।
त्यस्तै एक सय मिटर दौडको छात्र तर्फ त्रिभुवन माविका सहन चन्द्र शाह प्रथम, ग्रिनपिस माविका मो.अमिर अली अन्सारी द्वितीय र जनज्योति पब्लिक स्कुलका सरोज चौधरी तृतीय भएका छन् भने छात्रा तर्फ गोरखा यूनाईटेड पब्लिक स्कुलकी निलिमा मल्ल प्रथम, ग्रिनपिस माविकी तुलसा दमाई द्वितीय र श्रीकृष्ण माविकी तारा सार्की तृतीय भएकी छिन् ।
त्यस्तै चार सय मिटर दौडको छात्र तर्फ त्रिभुवन माविका सहन चन्द्र शाह प्रथम, गोरखा यूनाईटेड पब्लिक स्कुलका आशिष चन्द द्वितीय र जनज्योति पब्लिक माविका प्रेम बहादुर बुढाथोकी तृतीय भएका छन् भने छात्रा तर्फ गोरखा यूनाईटेड पब्लिक स्कुलकी पूर्णिमा खड्क प्रथम, ग्रिनपिस माविकी तुलसा दमाई द्वितीय र त्रिभुवन माविकी तिनु सुनार तृतीय भएकी छिन् । त्यस्तै आठ सय मिटर दौडमा गोरखा यूनाईटेड पब्लिक स्कुलका सुवाष बराल प्रथम, निम्बल ई.मि. स्कुलका अतुल गोडिया द्वितीय र त्रिभुवन माविका नितेश राज चन्द तृतीय भएका छन् भने छात्रा तर्फ गोरखा यूनाईटेड पब्लिक स्कुलकी पूृर्णिमा खड्का प्रथम, तक्षशिला एकेडेमीकी दिपशिखा रानाभाट द्वितीय, जनज्योति माविकी सरुना थारु तृतीय भएकी छिन् । त्यसै गरी तीन हजार मिटर दौडको छात्र तर्फ जनज्योति पब्लिक माविका शौरभ विक्रम शाह प्रथम, श्रीकृष्ण माविका संजय परियार द्वितीय र ज्ञानज्योति माविका अमित खड्का तृतीय भएका छन् भने छात्रा तर्फ लक्ष्मी माविकी बासना कार्की प्रथम, गोरखा यूनाईटेड पब्लिक स्कुलकी सरस्वती कुमाल द्वितीय र त्रिभुवन माविकी निर्मला सिजापती तृतीय भएकी छिन् ।
त्यस्तै सोमबार सम्पन्न जेभलिन थ्रो को छात्र तर्फ त्रिभुवन माविका अनुप वली प्रथम, दिव्य विद्या सदन माविका मनोज रावल द्वितीय र श्रीकृष्ण माविका लोक बहादुर बुढाथोकी तृतीय भएका छन् भने छात्रा तर्फ ज्ञानज्योति माविकी सामिना चौधरी प्रथम, त्रिभुवन माविकी निर्मला सिजापति द्वितीय र श्रीकृष्ण माविकी तारा सार्की तृतीय भएकी छिन् । साथै जारी प्रतियोगितामा कबड्डीको छात्र तर्फ श्रीकृष्ण मावि प्रथम, साईनिङ्ग स्टार मावि द्वितीय र पञ्चमुखि ई.मि. स्कुल तृतीय भएको छ भने छात्रा तर्फ छात्रा तर्फ त्रिभुवन मावि प्रथम, श्रीकृष्ण मावि द्वितीय र साईनिङ्ग स्टार मावि र ग्रिनपिस मावि तृतीय भएको छ ।
भलिबल खेलको फाईनल भोलि
कोहलपुर जारी प्रतियोगिताको भलिबल छात्र र छात्राका खेलहरु भोलि हुने भएका छन् । छात्र भलिबल तर्फ श्रीराम मावि र बागेश्वरी एकेडेमी बिच प्रतिस्पर्धा हुने छ भने छात्रा तर्फ गोरखा यूनाईटेड पब्लिक स्कुल र ज्ञानज्योति मावि बिच हुने आयोजकले जनाएको छ । प्रतियोगितामा कोहलपुर नगरभित्रका ३३ वटा विद्यालयहरुको सहभागिता रहेको छ । जसमा सामुदायिक ११ र संस्थागत २२ वटा माध्यामिक विद्यालय रहेका छन् । ६ सय ५८ जना विद्याथीले खेलकुदमा भाग लिएको र १५ बिधाका खेलहरु समाबेश गरिएका छन् ।
Discussion about this post