सरला सुवेदी बाँके फागुन ६ गते ।
मंगलबार नेपालगन्जमा खानेपानी सरसफाई तथा स्वच्छता निर्माण योजना सम्बन्धी बाके जिल्ला स्तरिय समीक्षा बैठक सम्पन्न भएको छ । खजुरा गाउँपालिका प्रमुख किस्मत कुमार कक्षपतिको प्रमुख आतिथ्यतामा समीक्षा बैठक सम्पन्न भएको हो । प्रदेशले बनाएको वास योजनाको खाका एकदमै राम्रो भएको उनले बताए । बिकास भनेको सडक कालोपत्र गर्ने मात्र बुझाई भएको ले खानेपानी सरसफाई तिर बाके जिल्लाका कुनै कुनै स्थानीय तहले त्यति चासो नदेखाएको र बजेट बिनियोजन नगरेको कारणले कार्यक्रम समयमै सुरु हुन नसकेको बताए। मन्त्रालयले वास योजना अनिवार्य गराएको हुनाले सबै पालिकामा वास योजना निर्माणलाई पुर्णता दिन आग्रह समेत गरे ।
प्रदेश सरकारको खानेपानी मन्त्रालयले प्रदेश भरिका स्थानीय तहहरु संग समन्वय र सहकार्य गरेर खानेपानी सरसफाइ तथा स्वच्छता योजना (वास प्लान) निर्माण गर्ने र उक्त योजना कार्यान्वयन गर्ने भएको छ ।
खानेपानी महाशाखा प्रमुख धुर्व धितालले प्रदेशै भरिका सबै जिल्लाहरुमा आज सम्म वास योजना निर्माणको लागि के कस्ता उपलब्धीहरु भए र आगामी दिनहरुमा स्थानिय तह सङ्ग कसरी समन्वय गरेर योजना निर्माण लाई सफल बनाउन सकिन्छ भनेर पालिका प्रमुख कार्यलय प्रमुख र वास फोकल पर्सन,आइटी र वास संयोजकहरु सबैलाई एकै ठाउँमा राखेर समीक्षा बैठक गरेको बताए । यसै गरि मन्त्रालयका वास बिज्ञ प्रशन्न पाण्डेले दीगो विकास लक्ष्य हासिल गर्ने दिशा तर्फ प्रदेश सरकार अघि बढिरहेको बताउँदै बार्है वटा जिल्लाका सबै स्थानिय तह र प्रदेश सरकारको समन्वय र सहकार्यमा मात्र यो सम्भव रहेको बताए । हामीले प्रदेशै भरिको गुरु योजना बनाउन चाहिरहेका छौं । उनले भने हामिले १ सय ९ वटै स्थानीय तहको मास्टर प्लान बनाउन खोजिरहेका छौं । मास्टर प्लान तयार भैसके पछि त्यही गतिमा काम गर्नेछौं । सन् २०३० सम्ममा दीगो विकासका लक्ष्य हासिल गर्नुपर्ने चुनौती छ । त्यसका लागि पनि वास प्लान चाहिएको र प्रदेश सरकारको एक घर एक धाराको लक्ष्य पूरा गर्न पनि वास योजना निर्माण गर्नु पर्ने बताए ।
Discussion about this post