बाँके फागुन ६ गते । श्रम तथा व्यवसायजन्य सुरक्षा विभागको आयोजनामा र श्रम तथा रोजगार कार्यालय नेपालगन्ज बाँकेको समन्वयमा मंगलबारका दिन सामुहिक सौदावाजी सम्बन्धि त्रिपक्षीय गोष्ठी सम्पन्न भएको छ ।
नेपालगन्जमा रहेको सिद्धार्थ कटेज होटल एण्ड हस्पिटलिटीको सभाहलमा भएको गोष्ठीमा श्रम ऐनमा सामुहिक सौदावाजीको बारेमा के कस्तो व्यवस्था भएको , कसरी रोजगारदाता र श्रमिकहरुले वार्ता तथा छलफल गर्ने , सहमतिमा नपुगे कसरी आन्दोलन गर्न सकिन्छ ? व्यवस्थापन र मजदुरहरुका बिच कस्तो सम्बन्ध रहने लगायतका विषय बस्तुमा ट्रेड युनियनहरु, उद्योगीहरु र श्रम तथा व्यवसायजन्य सुरक्षा बिभाग र श्रम कार्यालयहरु केन्द्रीकृत रहेर छलफल भएको श्रम तथा रोजगार कार्यालय नेपालगन्जका कारखाना प्रमुख हरिशरण चौलागाईंले बताउनुभयो ।
उक्त कार्यक्रममा बाँकेमा रहेका नेपाल ट्रेड युनियन महासंघ जिफन्ट, अखिल नेपाल ट्रेड युनियन महासंघ अन्टुफ, नेपाल ट्रेड युनियन कांग्रेस बाँके समर्थनका जिल्लाका नेता तथा उद्योग कलकारखानाबाट प्रतिनिधित्व हुने गरी श्रमिकहरु, उद्योगीहरुको उपस्थित रहेको थियो ।
समग्र ट्रेड युनियनहरुको प्रतिनिधित्व हुने गरी नेपाल ट्रेड युनियन कांग्रेस बाँकेका सभापति राम बहादुर मल्लले सामुहिक सौदावाजी र श्रम ऐन सम्बन्धि कार्यपत्र प्रस्तुत गर्नु भएको थियो । त्यसैगरी सम्पूर्ण उद्योग तथा कलकारखानाका तर्फबाट घोराही सिमेन्ट उद्योग प्रा( लि( का कार्यकारी प्रमुख नन्दकिशोर सिंहले कार्यपत्र प्रस्तुत गर्नु भएको थियो । श्रम ऐनमा भएका कानुनी प्रावधानका बारेमा स्पष्ट पार्दै श्रम तथा रोजगार कार्यालय बाँकेका प्रमुख हरिशरण चौलागाईंले कार्यपत्र प्रस्तुत गर्नु भएको थियो । उक्त कार्यक्रममा उद्योग कलकारखाना तर्फबाट नेपालगन्ज मेडिकल कलेज नेपालगन्जका उपनिर्देशक श्याम कुमार शर्माले हामीहरु धेरै कानुन मान्ने भएर गाह्रो भएको बताउनुभयो । उहाँले हामीले श्रम कानुन मान्ने कि, निजामती कानुन, शिक्षा कानुन थुप्रै कानुन भएका कारण अप्ठ्यारोमा परेको बताउनुभयो । श्रम कानुन मजदुरहरुलाई मात्र लाभ हुने किसिमको भएको, उद्योगीहरुको पक्षमा नरहेको आरोप लगाउनु भएको थियोे ।
उक्त कार्यक्रममा जिफन्ट प्रदेश नं ५ का सचिवालय सदस्य पूर्ण बहादुर के(सी( ले मजदुरहरुको जायज मागहरूलाई उद्योपतिहरुले सम्बोधन गर्नु पर्नेमा जोड दिनु भएको थियोे । गोष्ठीमा विभिन्न संघ संस्थाका ५० भन्दा बढीको सहभागी रहेको थियो । श्रम तथा रोजगार कार्यालयका प्रमुख चौलागाईंको अध्यक्षतामा भएको कार्यक्रममा अतिथिहरुमा लर्ड बुद्ध एजुकेशनल एकेडेमी लिमिटेडका उपनिर्देशक श्याम कुमार शर्मा, अखिल नेपाल ट्रेड युनियन महासंघ बाँकेका अध्यक्ष बसन्त मल्ल, जिफन्ट नेता पूर्ण बहादुर के(सी( , नेपाल ट्रेड युनियन कांग्रेस बाँकेका सभापति राम बहादुर मल्ल , विभिन्न उद्योगका उद्योगपतिहरु, नेपालगन्ज मेडिकल कलेजमा रहेका युनियनका नेताहरु, अन्य कलकारखानाका ट्रेड युनियनका अगुवा नेता तथा मजदुरहरु उपस्थित रहेको कार्यक्रमको सञ्चालन श्रम तथा व्यवसायजन्य कार्यालय काठमाण्डौंका नायव सुब्बा दिपेन्द्र न्यौपानेले गर्नु भएको थियो ।
Discussion about this post