बाँकेमा मकै बालिमा फौजि किराको प्रकोप, किसान चिन्तित

बाँके फागुन १३ गते । बाँकेको नेपालगन्ज उपमहानगरपालिका वडा नं. १५ पिप्रहवामा हिउँदे मकै बालिमा फौजि किराको प्रकोप देखिदै गएको छ । हिउदे खेतिमा फौजि किराको समस्या देखिए पछि किसानहरु मारमा पर्ने भन्दै चिन्ता ब्यक्त गरिरहेका छन ।

बाँकेमा गत बर्ष धान खेतिमा फौजि किराको प्रकोपका कारण किसानहरु मरमा परेका थिए । हिउदे खेति मकैमा पनि अमेरिकनफौजि किराको समस्या देखा परेपछि किसानहरु चिन्तित बन्दै आएका छन । बाँकेमा रहेका किसानहरु कहि फौजि किराका कारण धान खेति जस्तै हुने हो कि भन्ने चिन्ता रहेको बताउँछन । मकै खेतिमा पहिलो पटक फौजि किरा देखा परे पछि कहि प्रकोपको रुपमा फैलिने हो कि भन्ने डर रहेको कृषक अजितराम चौधरीले बताए ।

शुरुमा धान खेतिमा फौजि किरा लागेको थाहा पाएता पनि मकैमा लग्ला भन्ने बिश्वास नभएता पनि अहिले मकैमा पनि फौजि किराको प्रकोप रहेको स्थानिय कृषक अनुज बर्माले बताए । उनले भने फौजि किराको प्रकोम औषधी प्रयोग गरे पश्चात केहि कमि भएता पनि यसले ठुलो नोक्सानी गर्न सक्ने भन्दै मकै जोनबाट बिभिन्न सचेतना मुलक कार्यक्रमहरु गर्दै आएको समेत उनले बताए ।

असोज कात्तिक तिर धानखेतिमा फौजि किराको प्रकोप नेपालमा देखा परेको थियो । त्यहि समयमा किसानहरुले हिउदे मकै रोपिसकेका थिए । साही समयमा पनि मकैमा फौजि किराको प्रकोप रहेको प्रधानमन्त्री कृषि आधुनिकीकरण परियोजनाका कृषि अधिकृत युबराज बिकले बताए । उनले भने किराको प्रकोप न्यूनिकरणकालागि आफुहरुले कृषकहरुसंग बिभिन्न कार्यक्रम मार्फत सचेतना अभियान संचालन गरेको समेत बताए ।