नागरिकले अधिकारसँगै कर्तव्यलाई पनि ध्यान दिनु पर्नेमा जोड

बाँके फागुन २० गते । नागरिकहरूले आफ्नो अधिकारसँगै नागरिक कर्तव्यलाई पनि ध्यान दिनुपर्ने मा जोड दिइएको छ । अनौपचारिक क्षेत्र सेवा केन्द्र ९इन्सेक० नेपालगञ्जको आयोजनामा फागुन १९ र २० गते आयोजित आर्थिक सामाजिक तथा सांस्कृतिक अधिकार विषयक तालिममा सहभागिहरूले उक्त कुरामा जोड दिएका हुन् । मानवधिकार निगरानी समुहका सदस्य तथा निर्वा्चित जनप्रतिनिधिहरू कार्यशालामा लाई तालीम कार्यक्रममा उक्त कुरा बताएका हुन ।

इन्सेक प्रदेश ५ का संयोजक भोला महतले आर्थिक, सामाजिक तथा सांस्कृतिक अधिकारका विषयमा मानव अधिकार निगरानी समूह र निर्वा्चित जनप्रतिनिधिहरूको बुझाइमा एकरूपता होस् भनने उद्देश्यले तालिमको आयोजना गरिएको बताउनु भयो । संयोजक महतले इन्सेक अभियान र मानव अधिकारको अवधारणा विषयमा सहजिकरण गर्दै मानव अधिकारको विषय बस्तुहरूलाई समय र परिस्थिति अनुसार फरक हुने बताउनु भयो ।

राप्ती सोनारी गाउँपालिकाका अध्यक्ष लाहुराम थारूले जनप्रतिनिधिहरूलाई मानव अधिकारको विषय छुट्याउन गाह्रो भएकोले उनीहरूलाई मानव अधिकारको विषयमा सचेत गराउन आवश्यक रहेको बताउनु भयो । उहाँले मानव अधिकार सम्बन्धी निति नियमहरू कार्यान्वयन गर्न पहल गर्ने बताउनु भयो । राप्ती सोनारी गाउँपालिकाकी उपाध्ययक्ष धनिकुमारी खत्रीले मानव अधिकार प्रत्याभूत गराउन सबैको सहकार्य आवश्यक रहेको बताउनु भयो ।