बाँके फागुन २८ गते । होली खेल्दा उच्छृंखल बेभार देखाउने ६० जनालाई बाँके प्रहरीले पक्राउ गरेको छ ।
होली खेल्ने नाउँमा शान्ति सुरक्षामा खलल पुर्याउने ६० जनालाई बाँकेको बिभिन्न ठाउँ बाट पक्राउ गरी जिल्ला प्रहरी कार्यालय बाँकेमा लगिएको छ । मादक पदार्थ सेवन गर्ने, जबरजस्ती होली को रंग लगाउने, सम्झाउन खोज्दा प्रहरी माथि हातपात गर्ने हरुलाई प्रहरीले नियन्त्रणमा लिएको जनाएको छ । जिल्ला प्रहरी कार्यालय बाँकेले २०, इलाका प्रहरी कार्यालय कोहलपुरले १८, वडा प्रहरी कार्यालय नेपालगञ्जले १९, प्रहरी चौकी गनापुरले २ र इलाका प्रहरी कार्यालय धनौली खजुराले १ जनालाई नियन्त्रणमा लिएको जिल्ला प्रहरी कार्यालय बाँकेका प्रबक्ता प्रहरी नायब उपरीक्षक शिवबहादुर सिंहले जानकारी दिएका छन ।
सिंहका अनुसार ६० जनामध्ये ५८ जनालाई मंगलबार राती नै उनिहरुको अभिभावकको जिम्मा लगाएर घर पठाइएको थियो, भने बाँकी २ ले भने प्रहरी माथि हातपात तथा गालीगलौज गरेका कारण थप अनुसन्धानका लागी थुनामा राखिएको जनाए ।
Discussion about this post