बाँके चैत ११ गते । नेपालगन्जको जमुनाह नाकामा फसेका ८७ जनालाई घरतर्फ पठाइएको छ । जमुनाह प्रहरी चौकीका इन्चार्ज माधव रिजालका अनुसार, बाँकेका ३५, बर्दियाका ७, जुम्लाका ११, सुर्खेतका ६, दैलेखका ४, दांगका १३, कैलाली, प्यूठान, सप्तरी, काठमान्डौ, कालिकोटका एकएकजना गरी ८७ जनालाई घर पठाइएको हो । स्थानीय प्रशासनले जनता कर्फयु लगाइरहदा भारतबाट नेपाल आउदै गरेका नेपाली नाकामा फसेका थिए । उनीहरुलाई जमूनाह नाकाबाट बसमा ल्याई घर तर्फ पठाइएको इन्चार्ज रिजालले बताउनुभयो । नाकाबाट भित्रिइका सबै मानिसको लगत लिइएको छ । नाम, ठेगाना टिपिएको छ। यी सबै मानिसको बारेमा सम्बन्धित जिल्लाका प्रमुख जिल्ला अधिकारीलाइए अवगत गराइने छ । दिनभरी नाकामा बसेका उनीहरुलाई लिन दुई वटा बस पुगेका थिए ।
ADVERTISEMENT
Discussion about this post