बाँके चैत २१ गते । कोरोना भाइरसको संक्रमण हुनबाट नागरिकलाई जोगाउन नेपाली कांग्रेस बाँकेले नेपालगन्जस्थित पार्टी कार्यालय क्वारेन्टाइन सञ्चालनका लागि प्रयोग गर्न दिने भएको छ । मुलुक संघटको अवस्थामा रहेकाले सरकारलाई साथ र सहयोग गर्न तयार रहेको जनाउँदै बाँके कांग्रेस विपी स्मृती भवनको सभाहललाई क्वारेन्टाइन सञ्चालनका लागि प्रयोग गर्न दिने भएको हो । कांग्रेस बाँकेको कार्यालयमा दुई वटा ठुला सभाहल रहेका छन् । नेपाली कांग्रेस बाँकेका सभापति किरण कोइरालाले एक विज्ञप्ती जारी गर्दै यस्तो घोषण गरेकी हुन् । बाँकेमा क्रियाशिल अन्य कुनैपनि दलले अहिलेसम्म यस्तो घोषणा गरेका छैनन् ।
भारतबाट नेपाल फर्किने नेपाली नागरिकप्रति सरकारले गरेको ब्यवहारप्रति बाँके कांग्रेसले ध्यानआकृष्ट भएको जनाएको छ । ‘कोरोना भाइरसको सन्त्रासकै कारण छिमेकी देश भारतमा काम गरेर फर्केका नेपाली मजदुरहरु विभिन्न सिमा नाकामा अलपत्र परिरहेको समाचार आइरहेका छन्, भारतबाट फर्केका १ सय ८१ जना नेपालीहरु पनि बाँकेको सिमा नाकामा झण्डै ४ दिन सम्म खुल्ला आकाशमुनि रात बिताउन बाध्य हुनुपर्यो,’ विज्ञप्तीमा भनिएको छ ‘नेपाली नागरिकको भन्दा फरक ब्यवहार देखाएर खुल्ला आकासमुनि बस्न बाध्य बनाउने संघिय सरकार, प्रदेश सरकार तथा स्थानीय सरकारको गैरजिम्मेवार कार्यप्रति नेपाली कांग्रेस बाँकेको ध्यानआकृष्ट भएको छ ।’
नेपाली नागरिकलाई सहज रुपमा स्वदेश ल्याएर ब्यवस्थित रुपले क्वारेन्टाइनमा राख्नुपर्नेमा सरकार उनीहरुलाई उल्टै भारतीय क्वारेन्टाइनमा राख्न अग्रसर देखिएको भन्दै कांग्रेसले नेपालमा क्वारेन्टाइन ब्यवस्थापन गर्न प्रशस्त आधार र सम्भावना हुँदा हुदैपनि सरकारले आफ्ना नागरिकलाई नेपाल आउन रोक लगाएर भारत फर्काउन खोज्नु उपयुक्त नभएको जनाइएको छ । ‘तथापी, भारतबाट फर्केका नेपालीलाई सिमावर्ती दसगजा क्षेत्रमा अस्थायी क्वारेन्टाइन निर्माण गरेर ब्यवस्थापनगरिएको प्रतिकांग्रेस बाँके आभार प्रकट गर्दछ,’ विज्ञप्तीमा भनिएको छ ‘भारतमा लकडाउनका कारण प्रभावितभएका नेपालीहरु अझैपनि स्वदेश फर्किने क्रम नरोकिएको हुँदाउनीहरुलाई सहज रुपमाआफ्नो देशमाप्रवेश गराएर क्वारेन्टाइनमा राख्ने ब्यवस्थामिलाउन संघिय, प्रदेश र स्थानीय सरकारसँग माग गर्दछौं ।’ क्वारेन्टाइनमा बस्दासम्म उनीहरुको लागि दैनिक रुपमा खाना, शुद्ध पिउने पानी, स्वास्थ्यजाँच, शौचालयलगायतको उचितब्यवस्थापनगर्नतर्फ ध्यान दिन बाँके कांग्रेसले आग्रह पनि गरेको छ । ‘नागरिकलाई आफ्नो देशमा ल्याएर सुरक्षित र व्यवस्थित क्वारेन्टाइनमा राखी उनीहरुको जीवन रक्षागर्नु राज्यको दायित्व र कर्तव्य हो ।’
स्वास्थ्यकर्मीले आफ्नो ज्यान जोखिममा राखेर काम गर्नु परिरहेको, स्वास्थ्य सामाग्री ९पि।पि।ई।० नेपाल सरकारले पुरा खरिद नगरेको, खरिद गरिएको सामाग्री पनि कमसल भएको कुरा स्वयं स्वास्थ्यकर्मीले बताइरहेको भन्दै बाँके कांग्रेसले संकटको अवस्थामा पनि स्वास्थ्य सामाग्री खरिदमा सरकार भ्रष्टाचारमा संलग्न भएको घटनाको भत्र्सना पनि गरेको छ ।
Discussion about this post