बाँके चैत २६ गते । पुर्व मन्त्री मोहम्मद इस्तियाक राईले अहिलेको यस निकै जटिल र असहज परिस्थितीमा कोभिड १९ (कोरोना भाइरस) को विरुद्धमा संघीय सरकार, प्रदेश सरकार र स्थानीय तह तीनवटै सरकारको काँधमा अतिनै महत्वपूर्ण जिम्मेवारी आइपरेको बताउनुभयो ।
उनले यस संकटको घडिमा सबैले आ–आफ्नो ठाउँ बाट जिम्मेवारी इमान्दारीपूर्वक निर्वाह गर्नु अहिलेकाे सबैभन्दा आवश्यक काम भएको बताउनुभयो ।
उहाँले कोरोना विरुद्धको यो अभियानमा केन्द्रिय सरकारले आवश्यक बजेट र उपकरण लगायतको व्यवस्थापन गर्ने, प्रदेश सरकारले त्यसको समन्वय गर्ने आफ्ना मातहतका सम्पूर्ण निकाय परिचालन गरी व्यावस्थापन गर्ने र क्वारेन्टाइनको पूर्ण व्यवस्थापनदेखि लकडाउनले गर्दा दैनिक ज्याला मजदुरी गरेर जिविका चलाउनेहरु तथा अन्य अति विपन्नहरुका लागि खाद्यान्न लगायत अन्य अत्यावश्यक सेवा,वस्तुको व्यवस्थापन गर्ने सम्पूर्ण जिम्मेवारी स्थानीय तहमाथिनै आइपरेको बताउनुभएको छ ।
उहाँले आफु निर्वाचित जिल्लाको निर्वाचन क्षेत्र नम्बर २ को कुरा गर्ने हो भने उक्त क्षेत्रमा डुडुवा गाउँपालिका र नेपालगन्ज उपमहानगरपालिकाका अधिकांश वडाहरु पर्दछन । त्यसमा उहाँले अहिलेको यो अवस्थामा जिम्मेवारी निर्वाह गर्ने क्रममा देशभरिकै स्थानीय तहमध्ये एकदमै जिम्मेवारी निर्वाह गर्ने नेपालगन्ज उपमहानगरपालिकाका उपप्रमुख अरु भन्दा बढी सक्रिय र क्रियाशिल भएर खटिरहेको जिकिर समेत गर्नुभएको छ ।उहाँले अहिले बिश्व नै संकटमा परेको बेला आफ्नो देशका र बिदेशमा रहेका सबै नेपाली जनताको लागि केहि गर्नु पर्ने बेला मुख्य जिम्मेवारी लिएकाहरु जिम्मेवारविहिन देखिएको बेला उपप्रमुखको सक्रियता निकै सराहनीय रहेको बताउनुभयो ।
आफुले कार्यकारी अधिकार नपाएता पनि अहिलेको संकटको घडीमा अत्याधिक जोश जाँगरका साथ आफ्नो जिम्मेवारी ईमान्दारिताका साथ निर्वाह गरिरहेको बताउनुभयो । उहाँले आफु अहिले पदमा नरहे पनि आफ्नो देश अनि जनताको लागी दिनरात नभनी निरन्तर सेवा गरिरहने प्रतिबद्धता जनाउनुभएको छ ।
उहाँले अहिलेको अवस्थामा बाँके जिल्लाका जुनसुकै स्थानीय तह भित्र आफ्नो जरुरत परे आफु सहयोगको लागी हरहमेशा तत्पर रहने बताउनुभयो । पुर्व मन्त्र राईले देशभरिका ७५३ वटै स्थानीय तहका कार्यकारी अधिकार प्राप्त प्रमुखहरु र गाउँपालिकाका अध्यक्षहरुलाई कुनै लोभ लालचमा नफसेर आ-आफ्नो ठाउमा रहेर जनताको सेवा गर्न आग्रह समेत गर्नुभएको छ ।
Discussion about this post