बाँके चैत २७ गते । कोरोना महामारी पछिको लकडाउनका कारण समस्यामा परेका बिपन्नहरुको सहयोगका लागि कोहलपुर नगरपालिकामा सहयोगी हातहरु बढदै गएका छन । बिहीवार मात्रै अपाङ्ग सशक्तिकरण सन्चार केन्द्र ( डेक) ले बिपन्न समुदायका लागि ५० जनालाई पुग्ने गरी खाद्यान्न सहयोग गरेको छ ।
डेकले एक परिवार लाई १० केजि चामल , आधा लिटर तेल ,१ केजि दाल १पोका नुन , सिटामोल, माक्स र जिबन जल कोहलपुर नगरपालिका ले संन्चालन गरेको राहत संकलन केन्द्रमा हस्तान्तरण गरेको डेक का कार्यकरी निर्देशक देवदत्त आचार्य ले जानकारी दिए ।
खाद्यान्न हस्तन्तरण कार्यक्रममा बोल्दै कोहलपुर नगरपालिका उप–प्रमुख सञ्जु कुमारी थारुले संकटका समयमा राज्यलाई सहयोग गरेको भन्दै धन्यवाद दिईन । उनले कोरनाका कारण कोहलपुर क्षेत्रका बिपन्न मानिसहरु समस्यामा पर्दै गएकाले राहात वास्तविक बिपन्नका हातमा पुर्याउने प्रतिबद्धता जनाईन ।
यस अघी पनि प्रभु बिकास बैंकले ७५ हजार , गोरखा युनाईटेड बोर्डिङ स्कुल कोहलपुर २ ले १ लाख , राजनितिज्ञ तथा समाजसेबी खिल प्रसाद भुपालले ५१ हजार ,बसपार्क सुधार समितिले ५५ हजार ,बासोवास महिला बचत तथा ऋण सहकारी ले २५ हजार ५ सय ,क्रिसाले २१ हजार ,कोहलपुर २ का सशेन्द्र शाहीले १० हजार सहयोग रकम प्राप्त भएको कोहलपुर नगर पालिकाका योजना अधिकृत अग्नी आचार्यले जानकारी दिए ।
Discussion about this post