बाँके चैत २८ गते । कोरोना भाईरसको संक्रमण बढिरहेको बेला राज्यले लकडाउन गरिरहेको छ । संक्रमणको जोखिम बढ्न नदिन बिदेशबाट आएका सबै नागरिकहरुलाई सुरक्षित रुपमा क्वारेन्टाइनमा राख्ने काम पनि निरन्तर भइरहेको छ । क्वारेन्टाइनमा रहेका व्यक्तिहरुलाई खाना बस्न सुरक्षित बसाई तथा सरसफाई स्वास्थ्य जाँच लगायतको ब्यबस्था गरिनु पर्दछ । तर बाँकेको डुडुवा गाउँपालिका वडा नं.–६ हिरमिनियामा निर्माण गरिएको क्वारेन्टाइन नाम मात्रको रहेको पाइएको छ ।
देश नै कोरोनाको जोखिमसंग लड्न बिभिन्न तयारी गरिरहेको पाइएको भएपनि डुडुवामा भने कुनै तयारी गरिएको देखिँदैन । यहाँ निर्माण गरिएको क्वोन्टाईनमा तयारी गरिएको कुरा देख्न पाइदैन । सबै ठाउँमा निर्माण गरिएको क्वारेन्टाइनमा उचित व्यवस्थापन गरिएको पाइन्छ र राम्रो ठाउँमा क्वारेन्टाइन निर्माण गरिएको पनि छ । तर डुडुवाको यस वडामा बनाइएको क्वारेन्टाइन फोहोर, टिन फुटेको छानो र लामखुट्टेले भरिएको छ । यहा वडा कार्यालयले बिभिन्न प्रकारको कार्यक्रम र बैठकहरु गर्ने सभाहललाई क्वारेन्टाइन निर्माण गरिएको छ । सो क्वारेन्टाइनमा १२ जनालाई राखिएको छ । ठुलो हल छ तर पंखा भने दुई वटा मात्र छ ।
कोरोनाको प्रकोप नियन्त्रणका लागि क्वारेन्टाइनमा बस्नेहरुले बिशेष स्वास्थ्य सावधानी अपनाउने भएपनि यहाँ हात धुनका लागि साबुनसम्मको व्यवस्थापन भएको छैन् । क्वारेन्टाइनमा आवश्यक व्यवस्थापन नरहेको क्वारेन्टाइनमा बस्नेहरुले गुनासो गरेका छन् । त्यस्तै क्वारेन्टाइन किन व्यवस्थित हुने सकेन भनेर अनलाईन खोजखबरका संवाददाताले जानकारी लिँदा वडा अध्यक्ष मोहनराम मिश्रले गाउँपाालिकाले सम्बन्धित वडामा क्वारेन्टाइन निर्माण गर्दा वडा कार्यालयसंग समन्वय सहकार्य तथा स्थानीयहरुको नेतृत्व रहनेगरी हुनुपर्नेमा समन्वय नगरेरै आफुखुसी गरिरहेको जानकारी दिनुभयो ।
उहाँले गाउँपालिकाका नगर प्रमुखले आफ्नो तरिकाबाट आफ्ना नजिकका व्यक्तिहरुसंग गराइरहेकाले व्यवस्थित क्वारेन्टाइन निर्माण नभएको बताउनुभयो । उता स्वास्थ्य चौकी प्रमुख भिम बहादुर बिकले हतार हतारमा क्वारेन्टाइन निर्माण गर्दा कमजोरी भएको प्रतिक्रिया दिनुभयो ।
सबै ठाउँमा समय उहि र काम त्यस्तै गर्नुपर्ने भएको हुँदा अन्य ठाउँमा व्यवस्थापन हुनसक्नु र तर यहाँ अहिलेसम्म पनि क्वारेन्टाइन व्यवस्थापन हुन नसक्नु स्थानीय सरकार सर्वसाधारणको स्वास्थ्यप्रति सम्बेदनशील नभएको देखिन्छ ।
हेरौं भिडियो
Discussion about this post