बाँके चैत्र २९ गते । अहिले देश पुरा लकडाउनमय भएको छ यस्तो बिषम परिस्थितिमा आफ्नो दैनिकि निर्वाह गर्न जो कोहि लाई पनि अत्यन्त कठिन भइरहेको छ । यसै अवस्थालाई मध्यनजर गर्दै नेपालगन्ज उपमहानगरपालिकाले नगरको ५ ठाउॅमा असहायका लागि निशुल्क खाना, खुवाउने निर्णय गरेको छ । नेपालगन्ज उपमहानगरपालिकाकि उपमेयर उमा थापा मगरले पुरा देशनै लकडाउन हुॅदा दैनिक ज्याला मजदुरी गर्ने र विपन्न समुदायलाई लक्षित गरेर शुरु गरेको राहत वितरणले केहिलाई राहत गरेपनि वास्तविक गरिब र विपन्न समुदाय अझै पनि मर्कामा परेको गम्भीर विषयलाई सम्बोधन गर्न आफुहरुले यस्ती निर्णय गर्नु परेको बताइन् ।
उनले भनिन हामिलाई यो निर्णय कार्यन्वयन गर्न थप चुनौतिको सामना गर्नु पर्ने देखिन्छ । उनले सामाजिक दुरि कायम गर्दै, भिडभाड नहुने गरि र खाना खान आउनेहरुलाई आउन, जान सहज बनाएर मात्र यो निर्णय कार्यन्वयन गर्नु पर्ने बताइन् । यसको लागि हामिल्व स्थानीय प्रहरी प्रशासनसंग भोलि छलफल गर्दैछौ र खाना खुवाउने कार्य सहि तवरले संचालन गर्न वडा अध्यक्षहरु आ-आफ्नो वडा वा नजिकको वडामा खटिनु हुन्छ भने प्रमुख/उपप्रमुखले नगरको पुर्ण रुपमा जिम्मेवारी लिने प्रतिबद्धता जाहेर गरिन । उनले उपमहानगरपालिकाले आफ्नो नागरिक भोक भोकै सुत्न नपरोस र एक छाक खाना नपाएर मर्न नपरोस् भन्ने मानवीय सोचका साथ यो कार्यको थालनि गरेको हुॅदा म सम्पुर्ण नगरवासिमा एउटा सचेत नागरिकको तर्फबाट जे जसरि हुन्छ सहयोगको लागि सहयोगी हातहरु अगाडी बडाईदिनु हुन अनुरोध समेत गरिन ।
Discussion about this post