बाँके बैशाख १३ गते । नेपाल कम्युनिष्ट पार्टी (नेकपा) नेपालगन्ज उपमहानगरपालिका स्तरिय समितिको शनिबार बैठक बसेको छ । सामाजिक दुरी कायम गर्दै बैठकले विभिन्न निर्णयहरु गरेको छ ।
नेकपा बाँकेका अध्यक्ष आइपी खरेलको प्रमुख आतिथ्यतामा बैठक बसी विभिन्न निर्णयहरु गरेको उपमहानगरपालिकाका सचिब दत्त प्रसाद आचार्यले जानकारी दिएका छन् ।
बैठकले बिपद ब्यबस्थापन कोष स्थापना गर्ने, अनुगमन समिति गठन गर्ने, राहत बितरणलाई ब्यबस्थित गर्ने, राहत बितरण एकद्वार प्रणाली अन्तर्गत गर्ने, कोरोना भाइरस फैलन नदिन जनचेतना जगाउने, लकडाउनलाई कडाइका साथ प्रभावकारी बनाउन प्रशासनलाई मद्दत पुर्याउने निर्णयहरु गरेको आचार्यले जानकारी दिएका छन् ।
त्यसैगरी, मुस्लिम धर्मावलम्बीको आजबाट सुरु भएको रमजान (रोजा) को शुभकामना प्रदान गर्दै सामाजिक दूरीलाई कायम राख्दै घरमा नै नमाज पढन अनुरोध गरिएको छ ।
बैठकमा हालसम्म बितरण गरिएको राहत लक्षित बर्गसम्म पुगे नपुगेको बारेमा पनि समिक्षा गरिएको आचार्यले बताएका छन् । पार्टीको उपमहानगरपालिका अध्यक्ष डिल्ली बरालको अध्यक्षतामा बसेको बैठकमा ईन्चार्ज अकल बहादुर बम, कमिटीका उपलब्ध सदस्यहरु तथा उपमहानगरपालिकाका वडा अध्यक्षहरुको उपस्थिति रहेको आचार्यले जानकारी दिएका छ्न।
कोरोनाको कारण देश बिगत एक महिना देखी लकडाउनमय भएको छ तर पछिल्लो समय लकडाउनको उलंघन भएको ले कोरोना संक्रमित दिन प्रतिदिन बढिरहेका हुनाले सरकारले लगाएको लकडाउन सबैलाई पालना गर्न नेकपा बाँके ले सबैलाई अनुरोध समेत गरेको आचार्यले जानकारी गराएका छन् ।
Discussion about this post