सुर्खेत बैशाख १५ गते । सुर्खेतको घाटगाउँमा बैशाख १७ गते बुधबार नियमित खोप लगाइने भएको छ । लकडाउन जारी रहेपनि सामाजिक दुरी कायम राखेर खोप लगाउने तयारी भएको घाटगाउँ स्वास्थ्य चौकीले जनाएको छ ।
स्वास्थ्य चौकीका प्रमुख रंग ढुंगानाले विज्ञप्ती निकालेर हरेक महिनाको १७ गते लगाइने खोप यो महिना लगाइने बताएका हुन । गएको महिना लकडाउनका कारण सरकारले नै खोप लगाउने कार्यक्रम स्थगित गरेको थियो ।
तर दुई महिनासम्म खोप नलगाउँदा बालबालिकामा दीर्घकालिन असर पर्न सक्ने भन्दै यो महिना दुरी कायम राखेर भएपनि खोप लगाइने उनको भनाई छ ।
गएको महिना लकडाउनका कारण खोप लगाउन नसकिएको र यो महिना लकडाउन भएपनि सााजिक दुरी कायम राखेर खोप लगाउने तयारी भइरहेको ढुंगानाले बताए ।
बुधबार बिहान घाटगाउँ १० कालिकास्थान नजिकै रहेको स्वास्थ्य चौकीमा खोप लगाइने ढुंगानाले बताए । जन्मेदेखि ५ बर्ष मुनिका बालबालिकालाई पोलियो, दादुरा, विसिजी लगायतका खोप लगाइन्छ । खोप नलगाएमा बालबालिकालाई विभिन्न रोग लाग्न सक्ने जोखिम हुने गर्दछ ।
Discussion about this post