सरला सुबेदी बर्दिया बैशाख १६ गते । बर्दिया जिल्ला बढैयाताल गाउँपालिकाका अध्यक्ष र उपाध्यक्षले आफ्नै गाउँपालिकाको बिपद व्यवस्थापन राहत कोषमा सहयोग गरेका छन् ।
गाउँपालिकाका प्रमुख लालबहादुर श्रेष्ठले १ लाख १ हजार र गाउँपालिकाका उपप्रमुख दीपा गौतमले १ लाख रूपैयाँ गाउँपालिकाको विपद व्यवस्थापन कोषको खातामा सहयोग गरेका छन् ।
आफुहरू स्थानीय सरकार प्रमुख उपप्रमुख भए पनि आफुहरूको दायित्व सम्झेर विपद व्यवस्थापन कोषमा सक्ने जति सहयोग गरेको बढैयाताल गाउँपालिका अध्यक्ष लालबहादुर श्रेष्ठले बताएका छन् ।
श्रेष्ठ र गौतमले पालिकाका प्रमुख प्रशासकीय अधिकृत अर्जुन सुवेदीलाई कार्यलय मै चेक हस्तान्तरण गरेका थिए ।उनिहरुले आफ्नो दायित्व सम्झेर गाउँपालिकाको बिपद व्यवस्थापन कोषमा रकम जम्मा गरेको प्रमुख प्रशासकीय अधिकृत अर्जुन सुवेदीले बताएका छन् ।
विपदको समयमा पालिकाको विपद व्यवस्थापन कोषमा जम्मा गरिएको उक्त रकमले विपन्न परिवारलाई राहत वितरण गर्नमा सहयोग पुग्ने छ । बढैयाताल गाउँपालिकाले यसअघि विपन्न परिवाहरुलाई राहत वितरण गर्दै आएको प्रमुख प्रशासकिय अधिकृत सुवेदिले बताएका छन्।
बर्दिया जिल्लामा रहेका ८ पालिकामा यति धेरै रकम सहयोग गर्ने प्रमुख र उप प्रमुख भने जिल्लामा नै पहिलो भएको उनले बताए। यस्तै बर्दियाका अन्य पालिकाहरुले समेत विपन्न परिवारको पहिचान गरेर राहत वितरण गर्दै आएका छन् ।
राहत वितरण सङ्गै गाउँपालिकले लकडाउनको पुर्ण पालन गर्न सबैलाई आग्रह समेत गरेको छ । अन्य जिल्लाम भन्दा बर्दिया जिल्लामा लकडाउनको राम्रो पालन गरेको सुबेदीले बताएका छन् ।
Discussion about this post