बाँके बैशाख २५ गते ।
कोरोना ९कोभिड–१९० को रोकथामका लागि नेपाल भारत सीमा नाकामा सुरक्षा सतर्कतासँगै लक डाउन गरिएको डेढ महिना पुगेपनि भारतका विभिन्न स्थानबाट नेपाल आउने क्रम रोकिएको छैन । कोरोना९कोभिड–१९० को संक्रमण भित्रीन र फैलिन नदिन गरिएको प्रयासका वावजुद पनि भारतमा काम गरिरहेका नेपालीहरु आफनो घर पुुग्न अनेकन कष्ट झेलेर सीमा सम्म आइरहेका छन् ।
लक्षण समेत नदेखीने कोरोनाको संक्रमण नेपालगञ्जमा देखीइरहेका बेला हिजो मात्र २२ जनाले विभीन्न सीमा नाकाबाट नेपाल प्रवेश गर्ने प्रयास गरेको पाइएको छ । नेपालगञ्जमा शुक्रबार एक जना ६० वर्षिय पुुरुषमा कोरोना पोजेटीभ देखीएपछि सन्त्रास कायमै रहेका बेला भारतबाट नेपालीहरु सीमा नाकामा पुगेका छन् ।
कोरोना भाइरस संक्रमण रोक्न जिल्ला प्रशासन कार्यालयले बीहीबार सम्म ३ दिनका लागि नेपालगंजमा निषेधाज्ञा जारी गरेको अवस्थामा भारतबाट नेपाल प्रवेश गर्न खोज्नेहरु पनि रोकीएका छैनन् । यस अघि भारतबाट आइसकेकाहरुको व्यवस्थापन गर्न असहज भइरहेका बेला वैशाख २४ गते रुपैडियामा १३ जना पुगेका थिए भने नरैनापुर गाउँपालिका ३ रोशनपुर्वाबाट ९ जना नेपालीहरु प्रवेश गर्न खोजेपछि दिनभर दश गजामै रोकीएको थियो ।
स्थानीय प्रशासनले सीमाबाट कसैलाई पनि नेपाल प्रवेश गराउन नसकीने जनाएपछि सम्वाद सहयोगी समूह नरैनापर र वडा कार्यालयको प्रयासमा सम्वन्धित व्यक्तिहरुलाई खाजा नास्ता खुवाउने र पुन भारतर्फको क्वारेन्टाइनै राख्ने पहल गरियो । दुवै देशको सहमती र संक्रमणको सम्भावनालाई मध्यनजर गर्दै उनीहरुलाई सम्झाई बुझाई गरेर भारततर्फको क्वारेन्टाइनमा राखीएको सम्वाद सहयोगी समूह नरैनापुरका सदस्य अजय कुमार मिश्रले जानकारी दिनु भयो ।
श्रावस्ती जील्लाको रोशनगढ रोशनपुर्वा विद्यालयमा निर्माण गरिएको क्वारेन्टाइनमा उनीहरुलाई राखीएको छ ।
यस्तै रुपैडियामा पुगेका १३ जनालाई बाबागञ्जस्थित हाजी मो युसुफ डिग्री कलेजमा बनाइएको क्वारेन्टाइनमा राखीएको रुपैडियास्थित पत्रकार सन्तोष शुक्लाले जनाउनु भयो ।
नेपालगञ्जमामा अहिले सम्मको स्वाव संकलन र परिक्षणपछि २३ जनामा पोजेटीभ देखीएको छ । २३ जना संक्रमितको खजुरास्थित सुशिल कोइराला क्यान्सर अष्पतालस्थित आइसोलनमा उपचार पनि भइरहेको छ । पछिल्लो चरण ५४ जनाको स्वाव संकलन गरिएकोमा सबैको रिपोर्ट नेगेटीभ आएको छ ।
टोली बनाएर नेपालगञ्जका विभिन्न स्थानमा स्वाब संकलन गरिदैछ । यस अघि २२ गते भारतबाट नरैनापुर १ कटकुइयामा पुगेका २१ जनालाई टेन्ट राखेर व्यवस्थापन गरिएको छ । यस्तै नरैनापुर ४ नरैनापुरमा १० जना, नरैनापुर २ लक्ष्मणपुर मा १३ जनालाई राखीएको छ ।
Discussion about this post