सरला सुवेदी बाँके बैशाख २५ गते ।
बाँके जिल्लाको नेपालगन्जमा कोरोना सन्क्रमित संख्या बढेदेखी नेपालगन्जमा निषेधाज्ञा जारी गरिएको थियो । तर सर्वसाधारणको आवस्यकतालाई मध्यनजर गर्दै भोलि शुक्रवार देखि चार घण्टा अत्यावश्यक पसल सञ्चालन हुने भएका छन् ।
जिल्ला प्रशासन कार्यालय बाँकेमा बसेको सर्वपक्षीय बैठकको निर्णय अनुसार विहान ११ देखि ३ बजेसम्म अत्यावश्यक पसल सञ्चालन हुने भएको छ। प्रमुख जिल्ला अधिकारी कुमार वहादुर खड्काले अत्यावश्यक काममा निस्कने ब्यक्तिले कुनै पनिसवारी साधन सञ्चालन गर्न नपाउने निर्णय गरिएको जानकारी दिएका छन् ।
११ बजेभन्दा अगाडी र ३ बजेपछि आवागमन गर्न नपाइने प्रशासनले जनाएको छ । बाँके प्रशासनले बैशाख २३ देखि आजराती १२ बजेसम्म निषेधाज्ञा क्षेत्र घोषणा गरेको थियो । शुक्रबार बाट निषेधाज्ञा खुला गरिएपनी लकडाउन भने कायमै रहेको प्रमुख जिल्ला अधिकारीले खड्काले बताएका छ्न ।
उनले कोरोना बाट सुरक्षित रहन र कोरोना विरुद्ध एकजुट हुन जिल्लाबासिलाई अतिआवश्यक काम बाहेक घर देखि बाहिर ननिस्कन अनुरोध समेत गरेका छन् ।
Discussion about this post