बाँके बैशाख ३१ गते ।
केहि दिनयता बाँके जिल्लामा व्यवसायिक पत्रकारहरुलाई बदनाम गराउने गरी भएका बिभिन्न गतिबिधिप्रति पत्रकार महासंघ बाँकेले गम्भीर र ध्यानाकर्षण भएको बुधवार एक प्रेस बिज्ञपति मार्फत जानकारी गराएको छ ।
बिश्वव्यापी कोराना भाईरस (कोभिड १९) महामारीका कारण अन्य क्षेत्रजस्तै सञ्चार क्षेत्र र पत्रकारहरुलाई पनि समस्या भएको र संकटका समयमा सञ्चार क्षेत्रको बदनाम गराउने गरी फर्जी प्रेस पास र प्रेस लेखिएको ज्याकेट प्रयोग भइरहेको जनगुनासो व्यापक आएपछि प्रेसको दुरुपयोग नगर्न र आचारसंहितमा रहेर काम गर्न महासंघ बाँकेले पटकपटक आग्रह गर्दै आएको छ ।
तसर्थ संकटको समयमा प्रेसको दुरुपयोग गर्ने गलत हर्कतलाई रोक्नका लागि स्थानीय प्रशासनको गम्भीर ध्यान आकर्षण गराउनको लागि प्रेस बिज्ञप्ति निकालेको महासंघ का अध्यक्ष ठाकुरसिङ थारुले बताएका छन् ।
फर्जी प्रेस पास बोक्ने र गैर पत्रकारले प्रेस ज्याकेट प्रयोग कर्ताहरुलाई कानुनी दायरामा ल्याउन आग्रह गर्दै आगामि दिनमा सञ्चारकर्मीहरुलाई आफुले प्रयोग गर्ने सवारी साधनमा प्रेस नलेखी सम्वन्धीत मिडियाको नाम लेख्न आग्रह गरेको उक्त बिज्ञप्तिमा उल्लेख् गरिएको छ ।
कोरोना महामारीको समाचार संकलनमा जोखिम मोलेर काम गरिरहेका श्रमजिबि पत्रकारहरुले पारिश्रमीक नपाएको गुनासो सुनिन आएकाले कुनै पनि बहानामा पत्रकारको पारिश्रमिक नरोक्न र बेतलबि बिदामासमेत नराख्न सन्चार गृहहरुलाइ आग्रह गरिएको छ ।
कोरोनाको महामारीका कारण समस्यामा परेका पत्रकारहरुलाई नेपाल पत्रकार महाँसघ बाँकेले स्वाथ्य सुरक्षा सामाग्री बितरण गर्दै आइरहेको र आगामि दिनमा पनि स्वाथ्य सुरक्षा सामाग्रीलागायतका अन्य सहयोग गर्न नेपाल पत्रकार महासघ बाँके तत्पर रहेको ।
तर राहात र सहयोगका नाममा सञ्चारकर्मीको मान मर्दन हुने गरी भएका व्यक्तिगत तवरले सहयोग गर्ने समाजिक सञ्जालमा फोटोहरु पोष्ट गर्ने कार्य रोक्न बिशेष निर्देशन जारी गरेको अध्यक्षले बताए ।
संकटको समयमा सहयोगि दाताहरुलाई पनि आगामि दिनमा एकद्धारा प्रणाली मार्फत नेपाल पत्रकार महाँसघ मार्फत सहयोग गर्न उनले आग्रह गरेका छन् ।
कोेरोना माहामारीका कारण समस्यामा रहेका सञ्चारकर्मी र सञ्चार क्षेत्रलाई सहयोग पुर्याउनका लागि ठोस कार्यक्रम बनाउनका लागि बाँकेका स्थानिय निकायलाई बिशेष अपिल गर्ने उनले बताए ।
संकटको समयमा सकेसम्म घर भित्रै रहेर फोन म्यासेज मार्फत रिपोटिङ गर्न र बाहिर निस्कन परे सुरक्षा सामाग्रीको प्रयोग गर्नसमेत सम्पुर्ण सदस्य तथा आम सञ्चारकर्मी पत्रकार महासंघ बाँके शाखाले प्रेस बिज्ञपति मार्फत अनुरोध गरेको छ ।
Discussion about this post