बाँके जेठ २१ गते ।
कोरोना भाइरस संक्रमण पुष्टि भएकी बाँके खजुराकी नर्स र उनका श्रीमानको पहिलो चरणको रिपोर्ट नेगेटिभ आएको छ।खजुरा गाउँपालिका ३ की नर्स र उनका श्रीमानको पहिलो चरणको रिपोर्ट नेगेटिभ आएको हो ।
हेल्थ टिभी अनलाइसँग कुरा गर्दै ती नर्सले भनिन्, ‘अस्ति परीक्षणका लागि स्वाब संकलन गरिएको थियो हिंजो रिपोर्ट आयो, हामी दुबै जनाको कोरोना नेगेटिभ देखिएको छ । अब आज बिहान पुनः परीक्षण गरिने र अर्को रिपोर्ट पनि नेगेटिभ आएपछि भोलीसम्म डिस्चार्ज हुन्छौँ होला, उनले थपिन्।उनले आफू आइसोलेसनमा रहँदा कुनै स्वास्थ्य समस्या नभएको पनि जानकारी दिइन्। उच्च आत्मबल र सकारात्मक सोचाइले कोरोना मात्रै होइन सबै खाले रोगलाई जित्न सकिने उनको भनाई छ ।
डिस्चार्ज भएर गएपछि काममा फर्किन आतुर भएको पनि उनले सुनाइन्।कोरोना रोकथाम तथा नियन्त्रणमा फ्रन्टलाइनमा रहेर काम गरेकी खजुरा गाउँपालिका स्वास्थ्य शाखाकी सह संयोजक र बाँके नर्सिङ संघकी अध्यक्ष समेत रहेकी उनलाई गत जेठ ८ गते कोरोना पुष्टि भएको थियो । त्यसपछि जेठ ९ गतेदेखि उनी खजुरास्थित सुशील कोइराला प्रखर क्यान्सर अस्पतालको आइसोलेसनमा रहेकी छिन्। उनमा कोरोना पोजेटिभ देखिएपछि उनका पत्रकार श्रीमानको परीक्षण गर्दा जेठ १२ गते उनमा पनि कोरोना संक्रमण पुष्टि भएको थियो ।
उनीहरु दुबै जना अहिले खजुरास्थित सुशील कोइराला प्रखर क्यान्सर अस्पतालको आइसोलेसन वार्डमा रहेका छन्।
Discussion about this post