खोजखबर संवाददाता
बाँके साउन ३२ गते । नेपालगन्जको विमान स्थल हुदै जाने तिर्थयात्री ५ दिनदेखि नेपालगन्ज विमान स्थलमाअलपत्र परेका छन् । १२ तारिकदेखि अहिलेसम्म हरेक दिनविमान स्थलआउने जाने काममात्र भैरहेको छ एक तिर्थयात्रीले भन्नुभयो । हरेक दिनआज उडाउने भन्दै विमान स्थलबोलाउने र फिर्ता पठाउने गरेको तिर्थयात्रीहरुको गुनासो छ । भारतिय ट्राभल एजेन्सी कक्स एन किङ्ग (केएनके) र नेपालको ट्राभल एजेन्सी फिस्टेल टुर एण्ड ट्राभल्सको आपसी बिबादका कारण भारतीय तिर्थयात्रीहरु नेपालगन्जमा अलपत्र परेका हुन । भारतका विभिन्न स्थानबाट कैलाश मानसरोबरका लागी तिर्थयात्रामा आएका ३७जनातिर्थयात्रीहरु नेपालगन्जमाअलपत्र परेको उनिहरुले बताएका छन् । अगष्ट १२ तारिकमा नेपालगन्जआएर नेपालगन्जमा भारतिय व्यवस्थापनमा सञ्चालीत होटल सिग्नेट ईन कृष्णमा बसेका भारतीय तिर्थयात्रीहरु नेपालको ट्राभलस एजेन्सी फिस्टेलले कैलास मानसरोबर लैजाने ब्यवस्था नगर्दा नेपालगन्जमै अलपत्र परेको तिर्थयात्री गौतम लाईटले भन्नुभयो । आउने दिनदेखि दुखपाईरहेको तर यहाँका स्थानिय तथा लैजाने एजेन्टले हामीलाई झुठ बोलेर रोकिरहेको उहाँले बताउनुभयो ।
भएको रकम पनि सकियो अब कसरी घर फर्किने उनिहरुले बताए । होटलवालाले पनि होटलबाट निकालि सक्यो कहाँ जाने के खाने भनेर चिन्ता रहेको उनिहरुले बताएका छन् । आज शनिवार नेपालगन्ज विमान स्थलमा अलपत्र परेका तिर्थयात्रीहरुले १ बजेसम्म भोकै बसेको जानकारी गराए । पानी समेत खाना नदिए पछि बाध्यभएर मिडिया सामु आएको उनिहरुले गुनासो गरेका छन् । यताबाट सिमिकोट पु्गेपछि फेरी यस्तै ग¥यो भने कसरी कहाँ बस्ने चिन्ता रहेको तिर्थयात्री प्रतिमा लाईटले भन्नुभयो ।
हामीसंग सम्झौता भए अनुसारको सुविधा नपाएको उनिहरुले गुनासो गरेका छन् । हरेक दिन २ बोतल पानी र खाजा दिने सम्झौता भए पनि पानी चिया समेत नखुवाएर हामीलाई बारम्बार धोका दिने गरेको अर्का तिर्थयात्री शम्भु नाथ गौसले भन्नुभयो ।
भारतको पश्चिमबङ्गाल,आसाम, सोल, कुल्टी र बटाकर लगाएतका स्थानबाट आएका ३७ जना तिर्थयात्रीहरु नेपालगन्ज बिमानस्थलमा अलपत्र छन । सम्झौता भएको ५ दिन वितिसक्दा पनि हाम्रो पिडा नबुझेको उनिहरुले दुखेसो गरेका छन् । हामीले पाउनुपर्ने सुविधा र पुग्नुपर्ने ठाउँसम्म सुरक्षित पु¥याउनुपर्ने उनिहरुले माग गरेको तिर्थयात्री विशाल बैश्यले भन्नुभयो ।
भारत बाट आउने भारतिय तिर्थयात्रीहरुलाई कैलाशमानसरोबर सम्म लैजानका लाग्ी भारतिय ट्राभल एजेन्सी कक्स एनकिङ्ग (केएनके) र नेपालको ट्राभल एजेन्सी फिस्टेल टुर एण्ड ट्राभल्सका बिच आपसी सम्झौता गरेका छन । तर भारतिय ट्राभल एजेन्सी कक्स एनकिङ्ग (केएनके) ले नेपालको ट्राभल एजेन्सी फिस्टेल टुर एण्ड ट्राभल्सलाई झण्डै साढे ३ करोड रुपैयाँ बक्यौता राखेका कारण फिस्टेलले (केएनके) मार्फत आएका तिर्थयात्रीहरुलाई उडाएको छैन । फिस्टेलले नेपालगन्जबाट सिमकोट सम्मतिर्थयात्री उडाउने जिम्मा सिता एअरलाई दिएको छ । तर फिस्टेलले सिता एअरलाई पनि रकम भुक्तानी नगर्दा सिता एअरले नेपालगन्जबाट फिस्टेलका तिर्थयात्रीहरु लैजान मानेको छैन । यता एजेन्टले भने सम्पुर्ण जिम्मालिए पनि सुरक्षित पुगाउने कार्य भैरहेको बताईएको छ ।
हामी आफनै रिक्समा भारतिय तिर्थयात्रीहरुलाई नेपालगन्जबाट सिमकोटका लागी त उडाईरहेका छौ, तर सिमकोटमा गएर तिर्थयात्रीहरुले दुख नपाउन भन्ने हाम्रो उदेश्य हो, सिता एअर नेपालगन्जका क्षेत्रीय प्रमुख मनोज भारतिले भन्नुभयो । यहाँबाट गएर उता दुख नपाउन भन्नको लागि कुरा भैरहेको तर आफ्नै मनपरि तन्त्रले उनिहरु दुखपाईरहेका छन् । उनिहरु भने सिमकोटमा आफ्नो भाषा संस्कार केही नमिल्ने भएको हुनाले सुरक्षित जिम्मा लिए पछि जाने तिर्थयात्रीहरुले बताएका छन् ।
Discussion about this post