बाँके असार ९ गते ।
प्रहरीको सर्वाधिक खोजीको सूचीमा रहेका धर्मासिंह भनिने राजेशकुमार यादवलाई बाँके प्रहरीले पक्राउ गरेको छ । डुडुवा गाउँपालिका ३ बनकट्ीका ३१ बर्षिय यादवलाई उनकै घरबाट आज विहान ३ बजेतिर पक्राउ गरिएको बाँकेका एसपी ओमबहादुर राणाले जानकारी दिनुभयो ।
पाँच दर्जन अपराध मुद्दाका अभियुक्त उनलाई प्रहरीले करिव एक दशक देखि खोज्दै आएको थियो । यादवले विगतमा सशस्त्र भूमिगत तराई जनतान्त्रिक मुक्ती मोर्चा ज्वालासिंह समूहमा आवद्ध रहेर बाँकेमा अहपरणगरी हत्या, करणी गरी हत्या, कर्तब्य ज्यान, ज्यान मार्ने उद्योग, बम विस्फोट, फिरौती रकम माग गर्ने गरेका थिए ।
उनीमाथि पाँचजनाको हत्या गरेको उजुरी प्रहरीमा छ । बाँकेमा अपराध गर्ने र भारतमा लुकेर बस्ने गरेका कारण उनलाई पक्राउ गर्न प्रहरीलाई ठूलो सकस पर्दै आएको थियो । उनको पक्राउलाई प्रहरीले ठूलो उपलब्धी मानेको छ।
Discussion about this post