बाँके साउन ३ गते ।
नेपालगन्जमा साइकिलिङ कोरा च्यालेन्ज २०२० को आयोजन गरि आज सम्पन्न गरिएको छ । कोरोना कहरका विच विल्कुलै फरक शैलीबाट आयोजना गरिएको कोरालाई कुनै औपचारिक कार्यक्रम नगरेरै सम्पन्न गरिएको हो ।
आज कोरा च्यालेन्जमा नेपालगन्जका ८० जनाले सहभागिता जनाएका छन यसपालिको कोरा च्यालेन्जमा ७ जना महिलाले पनि सहभागिता जनाएको नेपालगन्ज साइक्लिङ्ग क्लबका अध्यक्ष गगन थापाले बताएका छन् ।
यो पटकको कोरामा आफुले आफैंलाई च्यालेन्ज गर्दै जतिसक्दो कुँदाउने र आफ्नो मन परेको रुटमा कुद्ने योजना अनुरुप विभिन्न रुट बनाएर बाँके र बर्दियाका विभिन्न स्थानमा घुम्न पुगेको साइकल अभियन्ता सतिश निरौलाले जानकारी दिएका छ्न ।
उनले लामो समय देखिको लकडाउनको कारण घरमै बस्दा शारीरिक अस्वस्थ भएका कारण मानसिक रुपमा पनि लकडाउनको प्रभाव हामी सबैको मन मष्तिस्कमा छाएको हुँदा साइकिलिङ ले शारीरिक रुपमा स्वस्थ राख्नको साथै हाम्रो मनलाई नि स्वतस्फूर्त फ़ुर्तिलो बनाउने हुँदा कार्यक्रम गरिएको बताए।
उनले कोरोना कहरको बाबजुद पनि यसपालिको कोरा ऎतिहासिक भएको बताएका छन् ।उनले साइकिलिङ स्वास्थको लागि एकदमै राम्रो हुने भएकाले साइकल चलाउन सक्ने सबैलाई यसमा आवद्ध हुन आग्रह समेत गरेका छन् ।
Discussion about this post