फाइल फोटो
धनगढी साउन ८ गते ।
प्रहरीले अवैध काठसहित तीन ट्रयाक्टर र तस्करीमा संलग्न पाँचजनालाई नियन्त्रणमा लिएको छ। जिल्ला प्रहरी कार्यालयको गस्ती टोलीले धनगढी उपमहानगरपालिकाको देवरीयामा धनगढी ७ का नरेश चौधरी, बिनु चौधरी, वीरबहादुर चौधरीसहित से २ त ७२, से १ त ५३७३ र से २ त १८५३ नम्बरका ट्रयाक्टर नियन्त्रणमा लिएको प्रहरी प्रवक्ता प्रहरी नायव उपरीक्षक प्रतिक बिष्टले जानकारी दिए ।उनका अनुसार ट्रयाक्टरमा १ सय ९५ दशमलव ८८ क्युफिट काठ रहेको थियो ।
काठ, ट्रयाक्टर र त्यसमा संलग्न तीनजनालाई आवश्यक कारवाहीका लागि जिल्ला वन कार्यालय कैलाली पठाइएको छ । यसैगरी धनगढी उपमहानगरपालिका ६ जाली स्थित करन चौधरीको घर नजिक लुकाई राखेको अवस्थामा विभिन्न साइजका चिरान गरी राखिएका ९ वटा गोलिया र विभिन्न साइजका १ सय २२ कडी बरामद गरिएको प्रहरी नायव उपरीक्षक बिष्टले जानकारी दिए ।
सोही क्रममा धनगढी ६ जालीकै करन चौधरी र सुरज चौधरीलाई समेत पक्राउ गरी काठसहित उनीहरुलाई आवश्यक कारवाहीका लागि वन कार्यालय पठाइएको बिष्टले बताए ।
Discussion about this post