चितवन भदौ ७ गते ।
चितवन राष्ट्रिय निकुञ्जको मुख्यालय कसरा नजिकै एक पोथी गैँडा मृत भेटिएको छ । निकुञ्जको पश्चिमी क्षेत्रमा पर्ने संयुक्त राप्ती दुन सामुदायिक वनमा शनिवार एक गैंडा मृत अवस्थामा भेटिएको हो ।
सो सामुदायिक वनको किङ्ग फिसर घोलमा डुवेको अवस्थामा मृत गैँडा भेटिएको चितवन राष्ट्रिय निकुञ्जका प्रमुख संरक्षण अधिकृत अणनाथ बरालले जानकारी दिए ।
यसरी मृत भेटिएको गैँडा झण्डै ७ वर्षको पोथी गैँडा हो । निकुञ्जले सो गैडा जुधेर मरेको अनुमान गरेको छ । गैंडाको शरिरमा दोस्रो गैँडाले हानेका चोट भेटिएको थियो ।
गैँडाको खाग खुर भने सुरक्षित भेटिएको निकुञ्जका प्रमुख संरक्षण अधिकृत बरालले बताए । मृत भेटिएको गैडाको निकुञ्जका प्राविधिकहरुले शनिवार नै पोष्टमार्टम गरेका छन् ।
पछिल्लो समय चितवन निकुञ्जमा गैँडा जुधेर मर्ने क्रम वृद्धि भएको छ । यस अघि केही दिन अघि मरेको गैँडा पनि एक आपसमै जुधेर मरेको थियो । नयाँ आर्थिक वर्ष शुरु भए यता अर्थात साउन यता यस अघि दुई वटा गैडा मृत भेटिएका छन् ।
निकुञ्जमा गैडाको सख्या वढी भयो भने वा खाद्यान्न अपुग भएमा गैडा एक आपसमा जुध्न पुग्छन् ।
Discussion about this post