बाँके भदौ ९ गते ।
भेरी अस्पताल नेपालगन्जमा गरिएको पीसीआर परीक्षणमा थप १५ जनामा कोरोना भाइरस संक्रमण पुष्टि भएको छ । पछिल्लो २४ घण्टामा चार सय नमुना परीक्षण गरिएकोमा बाँकेका ९ जना र बर्दियाका ६ जनामा भाइरस संक्रमण पुष्टि भएको हो ।
मंगलवार थप भएका संक्रमितमा डाक्टरदेखि बैंकका कर्मचारी पनि छन् । भेरी अस्पतालका फिजिसियन, नेपालगन्ज शिक्षण अस्पतालका चिकित्सकदेखि एभरेष्ट बैंक नेपालगन्जक कर्मचारीमा पनि भाइरस संक्रमण देखिएको छ । भेरी अस्पतालबाट लिइएको नमुनामा तीनजना, नेपालगन्ज मेडिकल कलेजबाट लिइएको नमुनामा दुईजनामा पोजेटिभ रिपोर्ट आएको छ ।
एभरेष्ट बैंकका दुईजना कर्मचारीमा पनि भाइरस पुष्टि भएको छ । वडा प्रहरी कार्यालयका एकजना प्रहरीमा पनि भाइरस संक्रमण पुष्टि हुँदा अर्का नेपालगन्ज वडा नं.९ का ३१ बर्षीय पुरुष हुन् ।
बर्दियाको ठाकुरबाबा नगरपालिकाका चारजना, बढैयाताल गाउँपालिका र राजापुर नगरपालिकाका एकएक जनामा भाइरस संक्रमण पुष्टि भएको छ ।
Discussion about this post