बाँके असोज १९ गते ।
भारतबाट लुकाईछिपाई भित्र्याइएको ठूलो परिमाणको प्याज प्रहरीले नियन्त्रणमा लिएको छ । युपि ७६ के ८६७० नम्वरको ट्रकबाट नेपालगन्ज उपमहानगरपालिका ८ रानीतलाउ स्थित तरकारी बजारमा अनलोड गर्दै गरेका अवस्थामा चालक इन्द्रजीत सिंहलाई समेत पक्राउ गरिएको छ ।
भारतबाट नेपाल भित्र्याइएको सो ट्रकमा नेपालगन्ज भन्सारमा ५०६ बोरा आलुको भन्सार गरिएको उल्लेख छ । तर आलुको पछाडी लुकाइएको अवस्थामा २ सय १३ बोरा प्याज प्रहरीले नियन्त्रणमा लिएको छ । उक्त प्याजको मूल्य ६ लाख ७२ हजारबढी रहेको बाँकेका एसपी ओम रानाले बताउनुभयो । बरामद गरिएको प्याज भन्सार कार्यालयमा पठाइएको एसपी रानाले जानकारी दिनुभयो ।
ADVERTISEMENT
Discussion about this post