बाँके मंसीर २० गते ।
वैजनाथ गाउँपालिका वडा न १ मा किशोर किशोरीहरुका लागि सञ्चालीत जीवन उपयोगी दुई दिने संचार सीप तालिम शनिवार समापन गरिएको छ । प्लान इन्टरनेशनल क्षेत्रीय कार्यालय सुर्खेतको साझेदारीमा सामाजिक सचेतना सरोकार मञ्च (स्याक) नेपाल बाँकेले बालबिवाह रोकथाम परियोजना अन्तरगत उज्जवल भविष्यको छनोट तथा परिवर्तन सम्वाहक माध्यमबाट किशोर किशोरीहरुका लागि जीवन उपयोगी सीप सम्बन्धी संचार सीप दिएको हो । कोभिड–१९ को अवस्थालाई मध्यनजर गर्दै भौतीक दुरी कायम सहित १४ जना कशोरीलाई सहभागी गराइएको थियो ।
बालविवाहलाई नाई भनौ भन्ने मूल नाराका साथ सञ्चालीत तालिममा सञ्चार शीपका वीवीध पक्षका साथैका किशोरीले सार्वजनिक गर्न सक्ने सूचना र सवाल लगायतका विषयमा सजीकरण गरिएको थियो । तालिममा सञ्चार, आम सन्चार, आम सन्चार प्रक्रिया, आम सन्चारका कार्य, वाक कला, किशोरीका सवाल, सरोकार पक्षको पहिचान, सवाल सार्वजनिक गर्ने प्रक्रिया लगायतका विषयमा पत्रकार शुक्रऋषि चौलागाईले सहजीकरण गर्नु भएको थियो ।
किशोरी क्लवमा आवद्ध १४ जना तालीममा सहभागि भयको स्याककी फिल्ड सुपरभाइजर वविता सिंहले जानकारी दिनु भयो । समापन समारोहमा बोल्दै स्याकका अध्यक्ष शिवलाल पान्डेले सन्चार शिपले जिवनस्तरमा समग्र विकास हुने विस्वास व्यक्त गर्नु भयो ।
Discussion about this post