खोजखबर संवाददाता
बाँके भदौ २५ गते । जिल्ला ट्राफिक प्रहरी कार्यालय बाँकेले एक सय साठी जना सवारी चालक तथा सहचालकको स्वास्थ्य परिक्षण गरेको छ ।
प्रहरी कार्यालयले सवारी चालक तथा सह चालकलाई लक्षित गरी आयोजना गरेको स्वास्थ्य परिक्षण शिविरमा ती चालक तथा सहचालकको स्वास्थ्य परिक्षण गरिएको हो ।
बैजनाथ गाँउपालिकास्थित सम्झना चोकमा स्वास्थ्य परिक्षण तथा परामर्श शिविर संचालन गरेर चालक र सहचालकको स्वास्थ्य परिक्षण गर्नुका साथै उनिहरुलाई विभिन्न प्रकारका परामर्श दिईएको जिल्ला प्रहरी कार्यालय बाँकेका प्रमुख, प्रहरी निरिक्षक पबिन्द्र बमले जानकारी दिनुभयो ।
सो शिविरमा एकै दिन मात्र १ सय ६० जना सवारी चालक तथा सहचालकले स्वास्थ्य परिक्षण गराएका छन । परिक्षणका क्रममा अधिकाशंलाई उच्च रक्तचाँप ९ब्लड प्रेसर० को समस्या देखिएको प्रहरी निरिक्षक बमले बताउनु भयो । उहाँले चालक र सहचालकहरु यो कामबाट खुशी देखिएको पनि बताउनु भयो ।
लामो तथा छोटो दुरीका सवारी चालकहरुलाई समय अभावका कारण नियमित स्वास्थ्य परिक्षणमा समस्या देखिएकाले ट्राफिक प्रहरी आफैले बृहत स्वास्थ्य शिविरको आयोजना गरेको बमले जानकरी दिनु भयो । सो प्रकारका शिविरहरु जिल्लाका अन्य स्थानमा पनि आयोजना गरिने ट्राफिक प्रहरी कार्यालय बाँकेले जनाएको छ ।
Discussion about this post