खोजखबर संवाददाता
बाँके २५ भदौ । सहरी विकास मन्त्री मोहम्मद ईश्तियाक राई बुधवार बेलुका गृहनगर नेपपालगन्ज पुग्नु भएको छ ।
मन्त्री राईलाई नेपालगन्ज विमानस्थलमा समाजवादी पार्टीका नेता कार्यृकर्ताहरुले भव्य स्वागत गरेका छन् ।
विभिन्न कार्यक्रममा सहभागि हुन गृहनगर पुग्नु भएका मन्त्री राईलाई नेपालगन्ज विमानस्थलमा स्वागत गर्न ठुलो संख्यामा नेता कार्यकर्ता पुगेका थिए ।
विमानस्थलमा मन्त्री राईलाई बाँके क्षेत्र नम्बर २ क को प्रदेशसभाका सभासद विजय बहादुर यादव, समाजवादी पार्टीको प्रदेश नम्बर ५ कोषाध्यक्ष अम्बिका काफ्ले, जिल्ला अध्यक्ष कमरुद्दीन राई, उपाध्यक्ष राजन राना मगर, सचिव बदरुदुजा खाँ, समाजवादी पार्टी नगर समितिका अध्यक्ष श्रवण यादव, युवा नेताहरु रशिद कुरैशी, फैज हैदर, तबस्सुम अन्सारी, रमारानी गुप्ता लगायतले फुलको गुच्छा दिएर स्वागत गर्नु भएको थियो ।
सो अवसरमा बाँकेका प्रमुख जिल्ला अधिकारी कुमार बहादुर खड्का, प्रहरी प्रमुख एसपी विर बहादुर ओली लगायतका सरकारी अधिकारीहरुले पनि मन्त्रीको स्वागत गरेका थिए ।
बाँके क्षेत्र नम्बर २ का सांसद समेत रहेका मन्त्री राई बाँके र सुर्खेतमा आयोजना गरिने विभिन्न कार्यक्रमहरुमा सहभागि हुनका लागि गृहनगर आएका हुन् ।
मन्त्री राईले विहिबार विहान ११ बजे नेपालगन्जको हिरमिनियामा निर्माण गरिएको ल्याण्डफिल साईटको उदघाटन गर्ने कार्यक्रम रहेको छ ।
सो कार्यक्रमका लागि मन्त्री राईसंगै सहरी विकास मन्त्रालयका सचिव मधुसुदन अधिकारी, शहरी विकास तथा भवन विभागका महानिर्देशक मणीराम गेलाल लगायत आईयुडीपी र एडीभीका प्रसितनिधिहरु पनि नेपालगन्ज आएका छन् ।
मन्त्री राईले शुक्रवार बाँकेको सबैभन्दा दुर्गममा रहेको नरैनापुर गाउँपालिकाको लक्ष्मणपुरमा निर्माण गरिएको सुविधा सम्पन्न अस्पतालको पनि उदघाटन गर्ने कार्यक्रम रहेको छ । सोही प्रकारले शनिवार मन्त्री राईले सुर्खेत पुगेर त्यहाँ निर्माण गरिएको सुर्खेत बसपार्क र अस्पतालको भवनको उदघाटन गर्दै कर्णाली प्रदेशका मुख्य मन्त्रीलाई हस्तान्तरण गर्ने कार्यक्रम रहेको मन्त्री राईका स्वकिय सचिव शमसुल राईले बताए ।
Discussion about this post