लक्ष्मि तिमिल्सेना
बांके भदौ २५ गते । कैलालीको टीकापुर नगरपालिकामा डल्फिन महोत्सव २०७६ आयोजना हुने भएको छ ।
यस क्षेत्रको प्रसारप्रचार गर्नका लागि कैलाली,बर्दिया हुदै बाँकेका लागि आएको टिमले आज पत्रकार सम्मेलन गर्दै उक्त कुराको जानकारी गराएको हो । विश्वको दुर्लभ स्तनधारी र मान्छे पछिको दोश्रो चेतनशील प्राणीको रुपमा चिनिने डल्फिन टीकापुर, भजनी नगरपालिका र जोशीपुर गाउँपालिकाको संगम स्थल र पथरैया, काँडा र मोहना नदीमा पानीको बहाव बढे संगै प्रत्यक्ष देखिने गरेका छन् ।
यी बिभिन्न नदीमा बर्षातको समयमा देखा पर्ने डल्फिनको संरक्षणका लागि यहि भाद्र २८ गते देखि ३० गतेसम्म कैलाली होटल व्यवसायी संघले डल्फिन महोत्सव २०७६ आयोजना गरेर यहाँको डल्फिन हेर्नकै लागि मात्र भएपनि पर्यटक तान्न प्रचारप्रसारमा सहयोग पुर्याउने, नेपाल सरकारले घोषणा गरेको नेपाल भ्रमण बर्ष २०२० लाई समेत सहयोग पुर्याउने र बिभिन्न तह तप्काका विशिष्ट व्यक्तिहरुलाई अतिथिको रुपमा आमन्त्रित गरेर डल्फिन क्षेत्रको विकासको लागि आग्रह गर्ने उद्देश्य रहेको आयोजकले जनाएको छ ।
नेपाल सरकारका संस्कृति, पर्यटन तथा नागरिक उड्डयन मन्त्री योगेश भट्टराईको प्रमुख आतिथ्यतामा डल्फिन महोत्सव मनाउने गरि महोत्वसको तयारीमा लागेको आयोजकले जनाएको छ ।
टीकापुर नगरपालिका वडा नम्बर ७ बैदी स्थित डल्फिन प्रत्यक्ष देखिने नदीको किनारमा आयोजना गरिने महोत्सवमा डल्फिन संरक्षण केन्द्र टीकापुर नगरपालिका वडा नम्बर ७ बैदी र पर्यटन, प्रवर्द्दन तथा बातावरण संरक्षण केन्द्र टीकापुर सह आयोजक रहेका छन् । सहआयोजक समेत रहेका स्थानीय भोजराज ढुंगानाले पानीको बहाव बढी भएपछी देखिने डल्फिन आजभोली सहजै देख्न सकिने बताए । उनले गत बर्ष भन्दा यो बर्ष डल्फिनको संख्या घटेको अनुमान गरिएको बताउदै स्थानीय समुदायले डल्फिन सख्या काउन्ट गर्दा गत बर्ष ५४ वटा देखिएको र यो बर्ष त्यो घटेर ४० मा पुगेको बताए । अहिले सम्म डल्फिन अवलोकनको लागि १२ भारतीय पर्यटक सहित २१ जना बाह्य पर्यटक आएको जनाउदै यो ठाउँ र डल्फिन देख्न सकिने ठाउँ सम्म पुग्ने सडकको विकास गर्न सके अझै धेरै पर्यटक भित्र्याउन सकिने बताए । साथै ऊनले विश्वबाट लोपहुने अवस्थामा रहेको तथा संकट अवस्थामा रहेको डल्फिनको धार्मिक महत्व लगाएत बाढि आउँदा पानीको बाहव बढि हुदाँ सुचकको समेत जनाकारी दिने हुदाँ यसको संरक्षण गर्नु पर्ने बताए ।
डल्फिन महोत्सवको तयारीका लागि संघका अध्यक्ष नरेन्द्र बहादुर शाहीको संयोजकत्वमा ७५ सदस्यीय मुल समिति संगै अन्य १७ वटा उपसमिति समेत बनेका छन् ।
अन्य १७ वटा उपसमिति अन्तरगत तेज बहादुर बोहराको संयोजकत्वमा प्रचारप्रसार उपसमिति, भोजराज ढुंगानाको संयोजकत्वमा मन्च व्यवस्थापन उपसमिति, खेमराज सिंह कुँवरको संयोजकत्वमा अतिथि सत्कार उपसमिति, रेवन्त साउदको संयोजकत्वमा सांस्कृतिक उपसमिति, कमला बटालाको संयोजकत्वमा आर्थिक व्यवस्थापन उपसमिति, रबिन्द्र बिष्टको संयोजकत्वमा टेन्ट व्यवस्थापन उपसमिति, सहदेव क्षेत्रीको संयोजकत्वमा सरसफाई तथा बाटो मर्मत उपसमिति, ललित भण्डारीको संयोजकत्वमा शौचालय व्यवस्थापन तथा निर्माण उपसमिति, राजकुमार संयोजकत्वमा स्वागत गेट निर्माण उपसमिति, जय प्रसाद ढुंगानाको संयोजकत्वमा सांस्कृतिका झाँकी उपसमिति, खगेन्द्र रिमालको संयोजकत्वमा स्वयंसेवक परिचालन उपसमिति, नन्द बोहराको संयोजकत्वमा माग पत्र तयारी उपसमिति, मधु सिजालीको संयोजकत्वमा अतिथि सत्कार तथा महिला परिचालन उपसमिति, रामलाल डगौराको संयोजकत्वमा समन्वय तथा सहजीकरण उपसमिति, नरेन्द्र ढुंगानाको संयोजकत्वमा डुंगा व्यवस्थापन तथा परिचालन उपसमिति, शिवराज ढुंगानाको संयोजकत्वमा आवास तथा खाना व्यवस्थापन उपसमिति, धनसरा कोईरालाको संयोजकत्वमा प्राथमिक उपचार उपसमिति बनाएर तयारीलाई तिब्रता दिईएको छ ।
डल्फिन संरक्षणकै लागि २०६३ साउन ४ र ५ गते पहिलो पटक डल्फिन संरक्षण केन्द्रले डल्फिन महोत्सवको आयोजना गरेको थियो । त्यसपश्चात २०६६ भाद्र ३ देखि १० गते सम्म टीकापुर उद्योग वाणिज्य संघले समेत महोत्सव गरेको थियो । सोहि उद्देश्यका साथ गत बर्ष पनि कैलाली भ्रमण बर्ष २०७५ को अवसरका तत्कालिन संस्कृति, पर्यटन तथा नागरिक उड्डयन मन्त्री स्वर्गीय रबिन्द्र अधिकारीको प्रमुख आतिथ्यतामा डल्फिन उत्सवको आयोजना गरिएको थियो । डल्फिन महोत्सवका रुपमा मनाउन लागिएको यो तेश्रो महोत्सव हो भने सोहि उद्देश्यका साथ् गर्न लगिएको चौथो कार्यक्रम रहेको आयोजकले बताएको छ ।
Discussion about this post