ताहिर शेषराई, सहिल
बाँके चैत ११ गते ।
बाँकेको जानकी गाउँपालिकामा पालिका स्तरीय अध्यक्ष कप खेलकुद प्रतियोगिता
भब्यताका साथ सम्पन्न भएको छ । गाउँपालिका शिक्षा समितिको आयोजनामा संचालित १३ औं राष्ट्रपती रनिङशिल्ड तथा विद्यालय स्तरीय तेस्रो अध्यक्ष कप खेलकुद प्रतियोगिता नेपाल राष्ट्रिय प्राथमिक विद्यालय, मानपुरको प्राङणमा भएको हो । प्रतियोगितामा मावी तर्फ जानकी मावि ले शिल्ड उचालेको छ ।
निमावि तर्फ नेराप्रावि गुरुवागाउँले शिल्ड उचाल्न सफल भएको छ । मावि तर्फ शिवपुरी मावि दोस्रो र मावि जोगागाउँ तेस्रो भएका छन् । निमावि तर्फ ब्राइट स्टार दोस्रो र बाल विकास तेस्रो भएका छन् । आधारभूत १ देखि कक्षा ५ नेरामावि भाटनपुर प्रथम, ब्राइट स्टार दोस्रो र बालबिकास तेस्रो भएका छन् ।
विजेता खेलाडी तथा विद्यालयलाई जिल्ला समन्वय समिती बाँकेका संयोजक अजय श्रीवास्तव, जानकी गाउँपालिका प्रमुख रामनिवास यादव उपप्रमुख भुमिसरा धिताल, प्रमुख प्रशासकीय अधिकृत बस बहादुर राना, शिक्षा शाखा अधिकृत प्रतिभा ओलि खड्का , पालिका स्वास्थ्य प्रमुख दल बहादुर सुनार, वडा नं। ४ का वडा अध्यक्ष विश्राम वर्मा, नेपाल शिक्षक संघ का अध्यक्ष शाकिर खान, शिक्षा शाखा कर्मचारीलागायतले पुरस्कर तथा प्रमाणपत्र र शिल्ड बितरण गरे ।
समापन कार्यक्रमका जिल्ला समन्वय समितिका संयोजक अजय श्रीवास्तवले शैक्षिक गुणस्तरलाई अझै सुधार गर्न र विद्यार्थीमा अनुशासनको कमिकमजोरी रहेको खासगरि मधेसी समुदाय स्तरका विद्यार्थीमा कुनै अनुशासन नरहेको बताउनुभयो।
कार्यक्रममा बोल्दै जानकी गाउँपालिका शिक्षा शाखा प्रमुख प्रतिभा ओली खड्काले जानकीलाई नमूना बनाउन शिक्षा, स्वास्थ्य लागायतमा जोड दिदै रनिङ शिल्ड, शैक्षिक महोत्सव गर्दै आएको र शिक्षा क्षेत्रलाई अगाडि बढाउन उर्जा थपेको बताउनुभयो । कार्यक्रममा स्थानीय विद्यालयको प्र अ यसोदा धिताल, शिक्षक, अभिभावक , सुरक्षाकर्मी, पत्रकार लगायतको उपस्थिति रहेको थियो ।
Discussion about this post