बाँके चैत १२ गते ।
बाँकेको चप्परगौरीस्थित एक होटलबाट चरेशसहित दुईजना पक्राउ परेका छन् । कोहलपुर नगरपालिका १२ चप्परगौरीस्थित न्यू सुदूरपश्चिम बाजुरा स्टाफ होटलको कोठा नम्वर १०१ बाट रोल्पा सुनिलस्मृति गाउँपालिका ७ का रुद्र बहादुर बुढा र रुकुम पूर्व भुमे गाउँपालिका ७ का रवि पुन पक्राउ परेको जिल्ला प्रहरी कार्यालय बाँकेले जनाएको छ ।
लागु औषध कारोवार भइरहेको भन्ने विशेष सूचनाको आधारमा प्रहरीले उनीहरुमाथि खानतलासी गरेको थियो । त्यसक्रममा जेब्रा झोला भित्र बाहिर खैरो रंगको प्लाष्टिकले बेरेर राखेको अवस्थामा १२ किलो चरेश बरामद भएको प्रहरीले जनाएको छ । उनीहरुमाथि थप अनुसन्धान भइरहेको पनि प्रहरीको भनाइ छ ।
ADVERTISEMENT
Discussion about this post