पर्वत, असार १२ गते ।
बालिकामाथि जबर्जस्ती करणी गरेको आरोपमा पर्वत प्रहरीले ६८ वर्षीय एक पुरुषलाई पक्राउ गरेको छ।
जिल्लाको फलेवास नगरपालिका–९ भँगरा ओख्रेनी निवासी ६८ वर्षीय बलबहादुर पौडेल क्षेत्रीलाई एक बालिकालाई ललाई–फकाई जबर्जस्ती करणी गरेको आरोपमा पक्राउ गरिएको जिल्ला प्रहरी कार्यालय पर्वतले जनाएको छ।
प्रहरीका अनुसार पीडित बालिकाकी आमाले असार ९ गते साँझ प्रहरी चौकी भँगरामा घटनाबारे जानकारी गराएकी थिइन्। घटनाको सूचना प्राप्त भएपछि प्रहरी चौकी भँगराले जिल्ला प्रहरी कार्यालय पर्वतलाई जानकारी गराएको थियो।
त्यसपछि प्रहरी सहायक हवल्दार उज्ज्वल पनेरुको नेतृत्वमा खटिएको प्रहरी टोलीले आरोपितलाई पक्राउ गरेको प्रहरीले जनाएको छ।
घटनासम्बन्धी जबर्जस्ती करणी मुद्दा दर्ता गरी आरोपितमाथि थप अनुसन्धान भइरहेको जिल्ला प्रहरी कार्यालय पर्वतले जनाएको छ।
ADVERTISEMENT
Discussion about this post